10 ditë liri, FOMO vs. JOMO - Business Magazine Albania

Landa Grembi, eksperte në fushën e teknologjisë, aktiviste

FOMO – shkurtesë e termit në anglisht “Fear of Missing out”, në shqip p.sh tingëllon bukur si “Frika e humbjes”. E thënë ndryshe: varësia e të vëzhguarit, përgjuarit në platformat e Social Media të miqve apo familjarëve, nëse janë duke bërë diçka argëtuese e ti nuk mund të jesh aty.

Pyetjet që pasojnë sapo shikon postime të tilla sipas eskpertëve ngjasojnë tek përdoruesit: Sa shumë po argetohen! Kush është tjetër me ta? Çfarë po flasin? E pyetje të tjera të së njëjtës natyrë. Mos të përmend pastaj momentin kur ke harruar telefonin në shtëpi dhe vrapon të shikosh çka ka “ndodhur”!

Nëse do të rreshtohej ky fenomen si një nga efektet negative të Social Media do e vendosja diku në fund tek lista.

Më poshtë po listoj disa syresh:

Menaxhimi i kohës është kthyer në klishe: një “vështrim” sekondash “çfarë po bëhet nga Instagrami apo FB” të shpërqëndron me disa minuta në veprimin tjetër që po bëje ndërkohë.
Ambjenti toksik, ku postimet negative prevalojnë (nëse nuk ke bllokuar apo hequr nga lista e preferencave disa faqe/bloge etc).
Informacioni kuturu, sipërfaqësor dhe i pabazë në të shumtën e rasteve. (një titull shkrimi aty, një atje, teoria: bjeri ti biem se diçka do të mbetet).
Ndikimi në shëndetin mendor sipas eksperteve po kthehet në patologji (fjala është dhe duhet t’ju dëgjohet specialistëve të fushës).
Simptoma të tjera të vërtetuara nga shumë studiues, të cilët merren me sjelljen e individëve në Social Media janë: Depresioni, vetmia, pagjumësia, smira/xhelozia, ndikimi në marrëdhenie e të tjera pa fund.
Bullizëm: Mediat Sociale janë bërë djepi i dhunës verbale, gjuhës së urrejtjes ndaj njëri-tjetrit, etj.
Largimi nga realiteti i brezave (temë e gjatë!)
“Krasitja/përzgjedhja” e informacionit është kthyer në sfidë, po ashtu në “kazanin”e madh informative, ku ndahet me rrjetin çdo gjë (vlera kthyer në antivlerë, pëlqime më shumë merr banaliteti dhe sharjet!)

Listës mund t’i shtohen pafund fenomene negative, shkaktuar nga përdorimi i Social Media ashtu sikurse ka dhe përfitime pozitive në shoqëri. E parë në një tjetër këndvështrim: Mediat Sociale ndikojnë ndryshe tek çdo individ, në varësi kjo të kushteve dhe tipareve të personalitetit të gjithësecilit.

Lexo: “Shkundim” algoritmat e social media, Ja elementet kryesore për të pasur një faqe të suksesshme

JOMO – “Join of missing out” në shqip tingëllon po bukur: “Gëzimi i Humbjes”

Po, gëzimi i të “humburit” çfarë ndodh në rrjet për disa orë/ditë/muaj. Kohën zgjidhe vetë.

Përjetim personal: Përpara disa ditësh “braktisa” për 10 ditë platformat sociale. Nuk i mbylla, thjesht iu largova. Përfitimet: PAFUND!

I rrimë dot larg kur të gjithë i kemi larg – JO!

Vjenë, 20 Tetor 2020

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Business Pulse
Përditësuar më: 20/10/2020	1044		admin