Një investitor ëngjëll në fushen e teknologjisë mbërrin në Tiranë. Manuel Koelman në Startup Grind me 4 Shtator - Business Magazine Albania

Një investitor ëngjëll në fushen e teknologjisë mbërrin në Tiranë. Manuel Koelman në Startup Grind me 4 Shtator


Startup Grind Tirana rikthehet me një event fantastik dhe mirëpret në shtator Manuel Koelman – sipërmarrës dhe investitor. Manuel ka ndërtuar kompani që në vitin 2003 dhe ka përvojë në suksesin e sipërmarrjeve të dorës së parë. Aktualisht, ai po nxit zhvillimin e #PurposefulDisruption dhe krijimin e #MeaningfulConnections përmes PIRATE.global.

Ardhja e tij në Shqipëri dhe eventi mbështeten nga EU For Innovation.

Manuel lidh ekosistemin e startup-eve dhe organizon samitin e PIRATE, “konferenca më e çmendur e startup-eve në Europë”. Ai njihet për festat dhe eventet autentike, të pazakonta dhe të studiuara deri në detaj.

Në vitin 2017 PIRATE.global organizoi më shumë se 80 ngjarje globalisht me më shumë se 10.000 të pranishëm. Manuel ka ndihmuar gjithashtu koorporatat të kuptojnë ndryshimin drastik që sjell teknologjia  dhe ADN-në e startupeve.

Së fundi, Manuel po mbështet startup-et si një investitor ëngjëll. Ai po vjen në Shqipëri për të zbuluar skuadra të mira me ide të mira. Ndaj përgatituni dhe prezantohuni tek Manuel gjatë network-ut para dhe pas intervistës që do të zhvillojë në Startup Grind. Së fundi, PIRATE.global u bë investitor në startup-in shqiptar Division5.

Lexo: Teknologjia po tërheq investitorë të huaj. PIRATE.global investon tek kompania shqiptare division5.co 

Misioni i PIRATE.Global është të shpërndajë mendimin e sipërmarrjes.

Kompania ofron: evente për startupe të veçanta dhe evente në fushën e teknologjisë, zhvillues të rëndësishëm për zgjerimin e kompanive si dhe kapital për sipërmarrje që duan të zhvillojnë një ide të re.

Pikërisht për këtë, të rinjtë me ide sipërmarrje mund të shfrytëzojnë eventin Startup Grind për të takuar e prezantuar idenë e tyre. Dhe nëse kjo ide është interesante dhe tërheq vëmendjen e Manuel, ju mund të mbështeteni financiarisht prej tij.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0