Një investitor mund të të ndihmojë të fuqizohesh, e të paraqitesh më i rritur dhe më i fortë para klientit. Kjo ka ndodhur me një prej kompanive të zhvillimit software në Shqipëri.
Unitech sh.p.k vjen me një rebrand-im të plotë pas marrëveshjes së investimit nga kompania gjermane PIRATE Global. Tashmë ajo është division5.co.
Till Ohrmann, përfaqësues i PIRATE thotë se, “në shkurt pati një moment të rëndësishëm, kur nisi bashkëpunimi me dy sipërmarrës shqiptarë që tashmë njohim prej kohësh. Engjëll dhe Ariol janë themelues të http://division5.co, punëtorë të mëdhenj dhe të përkushtuar në cilësi. Ata janë zhvillues të talentuar dhe kanë ndërtuar një rrjet të madh zhvilluesish të talentuar”.
Sipas tij, edhe pse tregu shqiptar është ende në fillesa ka grupe të rëndësishme të talentuarish e të uritur për sukses.
Engjëll Rraklli, drejtues i division5.co thotë se, “objektiv i përbashkët me investitorin është të ngremë agjencinë më të mirë të software dhe vendin më të mirë për të punuar”. division5 kthehet kështu në një kompani shqiptaro-gjermane.
I pyetur nga Businessmag, ai mendon se investitori vlerësoi në vendimin e tij duke u bazuar tek ambicja e përbashkët, arritjet e kompanisë gjatë këtyre 4 viteve, integriteti e vlerat e themeluesve dhe portofoli.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
