1 milion shtetas hynë në vend gjatë majit. Shqipëria në nivelet e vitit rekord të 2019-ës - Business Magazine Albania

1 milion shtetas hynë në vend gjatë majit. Shqipëria në nivelet e vitit rekord të 2019-ës

1 milion shtetas të huaj dhe shqiptarë kanë hyrë në vend gjatë majit. Numri vjen me rritje 77% nga një vit më parë dhe rreth 20% më i lartë se viti rekord i 2019-ës.

Statistikat tregojnë se vendet nga të cilat kanë hyrë më shumë njerëz janë Greqia me gati 5 herë më shumë. Pas heqjes së kufizimeve nga pala greke, emigrantët shqiptarë janë kthyer në vendlindje. I njëjti trend paraqitet edhe për Italinë me 30 mijë udhëtarë më shumë gjatë këtij viti.

Ndërkohë rritje të fortë kanë edhe anglezët në vendin tonë me 10 mijë më shumë nga një vit më parë. Turistët anglezë janë tërhequr nga festivalet e zhvilluara në Shqipëri nga jugu në veri të vendit.

Edhe turizmi patriotik vazhdon me 100 mijë shqiptarë nga Kosova më shumë se një vit më parë që kanë hyrë në vendin tonë.

Lexo edhe: Turizmi nuk po arrin të kapë nivelet para pandemisë

Me vendet e Ballkanit të Hapur, Maqedonia e Veriut, Mali i Zi dhe Serbia vazhdojnë të shtojnë fluksin. Nga Maqedonia kanë ardhur 20 mijë shtetas më shumë se një vit më parë dhe kanë kaluar vitin 2019.

Me Malin e Zi rritja është e fortë, gati 14 mijë shtetas më shumë së një vit më parë , ndërsa nga Serbia ishin rreth 7200 turistë që erdhën gjatë majit.

Këtë 5 mujor performanca e turizmit është në nivele mjaft të larta, pasi në total janë 3.45 milionë njerëz që kanë hyrë në vend, duke iu afruar viti rekord të 2019-ës, kur në vend hynë 3.5 milionë njerëz.

Sa i përket mënyrës së transportit të udhëtarëve shihet qartë tendenca në rritje nga ajri, ku gjatë majit udhëtarët që vijnë me avion janë rritur me 180% në krahasim me një vit më parë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0