Menjëherë pas akuzave dhe kritikave në lidhje me blerjen e Fitbit, Google lajmëroi finalizimin e marrëveshjes. Përdorimi i informacioneve të Fitbit nga Google është parë si shqetësim kryesor nga autoritete rregullatorë në mbarë botën. Google ka insistuar vazhdimisht se blerja është bërë për harduerin dhe informacionin që posedon Fitbit. Kompania synon të konkurrojë me Apple për industrinë e fitnesit dhe të orave elektronike si Apple Watch.
Marrëveshja me vlerë 2.1 miliardë dollarë u finalizua vetëm pasi Google pranoi shumë prej kërkesave të Bashkimit Evropian. Si pjesë e marrëveshjes Google nuk do të përdor të dhënat e Fitbit për reklamim për 10 vitet e ardhshme, ndërsa Komisionit Evropian ka të drejtë ta shtyjë këtë afat edhe me 10 vite të tjera. Google gjithashtu pranoi që të ofronte akses ndaj palëve të treta në API e Android për të ruajtur konkurrencën. Sipas marrëveshjes. Ndërkaq, Fitbit deklaroi se kompania do ta trajtojë privatësinë dhe sigurinë e klientëve seriozisht dhe të dhënat e grumbulluara nuk do të përdoren për reklamat e Google.
LEXO: Bashkimi Evropian hetime kompanisë amerikane Google
Nga ana tjetër softueri i Google do të ndihmojë produktet e Fitbit të bëhen më inteligjentë si dhe të integrohen më mirë me Android. Blerja e Fitbit nuk është investimi i vetëm i fundit i kompanisë pasi shpenzoi 40 milionë dollarë për Fossil në 2015. Fitbit është themeluar në 2007 dhe shpejt u shndërrua në liderin e gjurmuesve për fitnes. Fitbit-i ishte një nga kompanitë e para që tregtoi pajisje që mbarten në trup, për të monitoruar aktivitetet fizike, rrahjet e zemrës, cilësinë e gjumit, si dhe një sërë faktorësh të tjerë. Kompania Fitbit ka mbi 28 milionë përdorues aktivë, si dhe mbi 100 milionë pajisje të shitur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English