Qeveria nuk ka ende një vendim përfundimtar për aplikimin ose jo të fashës 800 kilovat për çmimin e energjisë për abonentët familjar.
Ministrja e Energjisë, Belinda Balluku, teksa hedh poshtë pretendimet e opozitës për rritje të çmimit për Nëntorin, thotë se vendimi përfundimtar për këtë çështje do të merret vetëm pasi të analizohet situata e rezervave ujore në hidrocentrale dhe të dhënat për konsumin ditor.
“Faturimi i energjisë nis pas javës së 1 të muajit. Me një situatë jo të mirë hidrike, kur niveli i Fierzës është më pak se 268 metra, por me pritshmëri për prurje më të mira në vazhdim dhe bazuar në uljen 6.2% të konsumit, do të analizojmë çdo detaj, para vendimit për fashën mbi 800 kW/h”.
Lexo edhe: Ministrja Balluku: Nuk do të ketë kufizime energjie gjatë dimrit
Ndërkohë, Koroporata Energjetike shqiptare ka publikuar këtë të hënë të dhënat mbi situatën konkrete në të tre hidrocentralet e kaskasës së Drinit.
Sipas KESH, prurjet në Fierzë janë vetëm 50 metra kub në sekondë, ndërsa niveli i ujëmbledhësit është në kuotat e 268 metra.
Situata është akoma më e vështirë në dy hidrocentralet e tjera të kësaj kaskadë, në atë të Komanit dhe Vaut të Dejës ku prurjet janë në nivelet e 30 dhe 10 metra kub ujë në second.
Për rrjedhojë rezerva energjetike përllogaritet të jetë vetëm 448 gigavat/orë, ndërsa prodhimi ditor vetëm 14243 megavat/orë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
