Zgjidhni ngërçin politik! Kërkesa e shoqatave të investitorëve të huaj në Shqipëri - Business Magazine Albania

Zgjidhni ngërçin politik! Kërkesa e shoqatave të investitorëve të huaj në Shqipëri


Ndërsa kryeministri Edi Rama dhe kreu i opozitës Lulzim Basha po shkëmbejnë letra publike, në prag të protestës së radhës, grupime të sipërmarrësve të huaj në vend u kanë dërguar një letër drejtuesve të politikës.

Në deklaratën e përbashkët, Dhoma Amerikane e Tregtisë në Shqipëri (AmCham), Shoqata Gjermane e Industrisë dhe Tregtisë në Shqipëri (DIHA) dhe Dhoma Ndërkombëtare e Tregtisë (IÇ) theksojnë se po ndjekin me shqetësim të thellë situatën aktuale politike në Shqipëri.

“Shumë nga anëtarët tanë kanë shprehur frustrim lidhur me pasigurinë politike që po ndikon drejpërdrejt negativisht në klimën e biznesit dhe ekonominë shqiptare. Ne u bëjmë thirrje të gjitha partive politike që të gjejnë një zgjidhje për këtë situate”, theksohet në deklaratë.

Çdo ditë që kalon pa marrëveshje dëmton besimin e qytetarëve në sistemin tonë politik dhe ekonomik, duke penguar investimet e mundshme ndërkombëtare, theksojnë sipërmarrësit e huaj.

“Komuniteti ynë i biznesit kërkon fuqishëm që të gjithë palët e përfshira – veçanërisht Qeveria dhe Opozita – të veprojnë me përgjegjësi dhe të bëjnë çdo përpjekje për t’i dhënë fund ngërçit politik në dobi të stabilitetit në vend”.

Kjo është letra e dytë publike pas grupimit të sipërmarrjeve vendase që paralajmëron politikën për dëmet e dhimbshme që po i shkaktohen ekonomisë.

Lexo: Stop me kriza! Letra e sipërmarrësve drejtuar politikës

Këtë vit ekonomia pritet të rritet më pak se 4%, ndërsa investimet e huaja më të mëdha janë drejt fundit dhe vendi nuk ka siguruar ende investitorë të mëdhenj që mund të “ushqejnë” ekonominë me para e vende pune shtesë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0