“Vlera e financimit të këtyre projekteve në kuadër të fazës së parë, është afërsisht 5 milionë euro, duke përmbyllur fazën e parë të investimit në shifrën 20 milionë euro me mbështetje të drejtpërdrejtë të komuniteteve, që është në linjë edhe me qasjen tonë si qeveri për përkujdesjen sociale dhe solidaritetit për shtresat në nevojë. Shtrirja gjeografike e këtyre projekteve prek pak a shumë të gjithë vendin”, tha ministri Arben Ahmetaj.
Qeveria italiane i ka falur rreth 40 milionë euro borxhe Shqipërisë, të cilat kanë financuar investime lokale në të gjithë territorin e vendit.
“Sot falë këtij programi, disa mijëra nxënës mësojnë në shkolla me kushte bashkëkohore, sipërmarrës të vegjël kanë mbështetje të drejtpërdrejtë falë financimeve, turizmi ka gjetur mbështetje falë disa ndërhyrjeve në zona të ndryshme të vendit. Kategori, shtresa në nevojë kanë gjetur një përgjigjje për problemet sociale nga më të ndryshmet”, tha Ahmetaj.
Burimi: lajmifundit.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
