WOMEN TechEU ka hapur thirrjen e dytë për aplikime për sipërmarrëset!

WOMEN TechEU është një projekt 2-vjeçar i financuar nga BE që mbështet gratë që drejtojnë Start-upe të sektorit të teknologjisë (Deep Tech) nga Evropa. Objektivi kryesor i projektit është të krijojë një program të synuar mbështetjeje për gratë themeluese dhe sipërmarrëse që udhëheqin start-up të “Deep Tech” nga Evropa, për t’u kthyer në liderët e teknologjisë të së nesërmes dhe për t’i vënë gratë në ballë të këtij sektori në Evropë.

160 gra të talentuara sipërmarrëse nga vendet e BE-së dhe vendet e lidhura me programin ‘Horizon Europe’ do të marrin mbështetje të drejtpërdrejtë. Me grantin prej 75 mijë € dhe një program të personalizuar të zhvillimit të biznesit, projekti do t’u hapë rrugën këtyre grave novatore që të shkëlqejnë si lidere në inovacionin e teknologjisë ‘deep tech’ në të gjithë Evropën.

KRITERET E PRANUESHMËRISË

WOMEN TechEU synon Start-upe të sektorit të teknologjisë ‘deep tech’ të udhëhequra nga gratë, të cilat përmbushin kriteret e mëposhtme:

1. VENDI I THEMELIMIT:Aplikantja duhet të jetë e vendosur në një Shtet Anëtar të BE-së ose në një vendet pjesëmarrëse në programin ‘Horizon Europe’. Lista e vendeve të programit ‘Horizon Europe’ e publikuar nga Komisioni Evropian në datën e dorëzimit mund të gjendetkëtu.

 START-UP NË FAZË FILLESTARE / TË HERSHME:

• Personi juridik duhet të jetë themeluar të paktën gjashtë muaj para afatit të datës së dorëzimit të aplikimit.
• Start-upi duhet të jetë në përputhje me përkufizimin e SME-ve (NVM-ve: Ndërmarrjeve të Vogla dhe të Mesme), sipas përkufizimit të BE-së për SME-të, bazuar në rekomandimin e BE-së me nr. 2003/361.
• Faza e hershme/fillestare i referohet fazës së zhvillimit të start-up-it që i paraprin fazës së rritjes së shpejtë. Si tregues, kriteret e mëposhtme do të merren parasysh, ndër të tjera për të përcaktuar një start-up në fazën e hershme:

o   Start-up-et që janë themeluar dhe funksionojnë për jo më shumë se 8 vjet dhe,

o   Start-up-et që kanë grumbulluar fonde të kufizuara (deri në 1 milion Euro në kapital),

o   Para arritjes së një norme të lartë besnikërie për Prototipin.

Lexo edhe:Rubik Garage përzgjedh 13 startup-e për kohortën e saj të 7-të

Shënime të rëndësishme:

• Fondacionet, shoqatat, federatat ose një lloj tjetër i subjekteve juridike të ndryshme nga kompanitë private nuk kanë të drejtë të aplikojnë.
• Pas kriterit të Prototipit, do të merren në konsiderate aplikimet me TRL 7 (Niveli i Gatishmërisë së Teknologjisë 7 – demonstrimi i prototipit të sistemit në mjedisin operacional) ose më lartë.

3. DREJTIMI / UDHËHEQJA NGA GRATË:Gratë e njohura ligjërisht si themeluese ose bashkëthemeluese të kompanisë. Themeluesja ose bashkëthemeluesja e kompanisë duhet gjithashtu të mbajë aktualisht një pozicion të lartë drejtues (CEO, CTO, CSO ose ekuivalent) brenda së njëjtës kompani. Gjithashtu do të kërkohet që gratë të kenë të paktën 25% të aksioneve në pasqyrën CAP (tabela e kapitalizimit) të kompanisë.

Shënime të rëndësishme:

WOMEN TechEU mbështet gratë në të gjithë diversitetin e tyre. Fjala “grua” i referohet një gruaje cis, ose një gruaje transgjinore që është përcaktuar ligjërisht si një grua. Aplikantja kryesore duhet të jetë një grua. Mjeti i verifikimit do të jetë Karta e Identitetit e lëshuar nga shteti i kombësisë së tyre.

4. DEEP TECH:Inovacioni ‘deep tech’ në teknologji synon të ofrojë zgjidhje konkrete për problemet tona shoqërore, i cili e gjen burimin nga ndërveprimi me avancimet më të fundit shkencore dhe teknologjike dhe që kërkon të ketë një ndikim të thellë në fushat e synuara të aplikimit.

Sektorët, të cilët janë më mundësues për aplikimet e ‘deep tech’ janë shkencat, informatika, ushqimi dhe teknologjia bujqesore, hapësira ajrore, energjia dhe teknologjia e pastër, teknologjitë industriale, telekomunikimi, materialet e reja ose kimia. Megjithatë, ‘deep tech’ përfshin gjithashtu, ndër të tjera, inteligjencën artificiale, mësimin dhe mësimin e makinerive.

Women TechEU mirëpret aplikacione nga të gjitha fushat e aktivitetit të teknologjisë ‘deep tech’.

Përdorimi i teknologjisë dhe të qenit një kompani që operon në sektorin e teknologjisë ‘deep tech’ janë koncepte shumë të ndryshme. Vetëm për shkak se një kompani ka adoptuar teknologji standarde të industrisë ose ka modifikuar pak përmbajtjen, materialet, integrimin e komponentëve ekzistues etj., nuk e bën kompaninë të jete një kompani që operon në sektorin ‘deep tech’.

Për shembull, sa vijon NUK janë kompani ‘deep tech’:

• Platformat e të mësuarit elektronik ku përmbajtja është pjesa inovative dhe jo teknologjia;
• Aplikacionet e tregtisë elektronike ku inovacioni është modeli/çmimi i biznesit dhe jo teknologjia;
• Aplikacionet e lojërave që përdorin komponentë standardë të industrisë;
• Portale informative online ku lajmet dhe artikujt janë komponenti inovativ.

5. NUK ËSHTË FINANCUAR MË PARË PËR TË NJËJTAT AKTIVITETE NGA NJË PROGRAM TJETËR I BE-SË:Për të shmangur financimin e dyfishtë, as aplikimi i plotë apo ndonjë pjesë e tij nuk duhet të ketë përfituar nga ndonjë program tjetër i BE-së, si iniciativa Women TechEU, ose iniciativa të ngjashme (p.sh.: Horizon Europe – EmpoWomen).
6. NUK ËSHTË PJESË E PËRFITUESVE TË PROGRAMIT ‘WOMEN TECHEU’:Partneret e konsorciumit të WOMEN TechEU, subjektet e tyre, të vetëpunësuarit dhe nënkontraktorët nuk lejohen të paraqesin një propozim dhe për rrjedhojë të marrin ndonjë mbështetje financiare përmes thirrjeve të hapura.

APLIKIMI

Dorëzimi do të bëhet VETËM nëpërmjet platformës Sploro, e cila do të shërbejë si pika unike e hyrjes për të gjitha aplikimet. Aplikimet e dorëzuara me çfarëdo mënyre tjetër nuk do të merren parasysh dhe as do të vlerësohen. Vetëm dokumentacioni i përfshirë në aplikim do të merret në konsideratë nga vlerësuesit.

WOMEN TechEU pret aplikimet deri në datën 30/09/2024, ora 17:00 CEST, me orën e Brukselit.

Informohuni më tepër rreth kritereve të aplikimit dhe informacione të tjera në faqen zyrtare të internetit: https://eit.europa.eu/our-activities/opportunities/call-applications-women-tech.