Women in Tech. Ja disa arsye pse gratë janë të suksesshme në teknologji


Një sallë e mbushur me gra dhe vajza, me një karrierë përpara në fushën e teknologjisë dhe sigurisë kibernetike. Tetori është muaji europian për ndërgjegjësimin e Sigurisë Kibernetike, ndaj në Tiranë u mbajt konferenca “WOMEN IN TECH”. 

Duke pasur në thelb gruan dhe karrierën e saj, konferenca trajtoi tri tema të ndryshme: 1) She Leads Tech, 2) Women4Tech Initiatives dhe 3) Growing in the cyber ecosystem.

Në të treja këto sesione ndanë këshilla dhe rrëfyen rrugëtimin e tyre, shumë gra të suksesshme në karrierë si Vilma Tomço, Edlira Muhedini, Miranda Harizaj, Anila Hoxha, Hatixhe Bilibashi, Arlinda Mujo, Xhenina Pashaj, Anxhela Neli, D3c0ders, Zoica Doko dhe Simona Petrozzi. Një fjalim shumë origjinal mbajti edhe profesori Rezart Prifti, i cili ishte i vetmi folës mashkull në panel.

Lexo: Gra shqiptare të suksesshme në biznes

Qëllimi i eventit ishte motivimi dhe këshillimi i pjesëmarrësve për zhvillimet në fushën e teknologjisë së informacionit, në veçanti studentët dhe profesionistët e rinj. Vilma Tomço, Drejtoresha e përgjithshme e AKCESK, tha se ka një rritje të numrit të vajzave dhe grave në sigurinë kibernetike. Kjo sipas saj, po ndodh sepse: a) gratë janë të dedikuara ndaj punës, b) janë ambicioze dhe kurioze si natyrë, c) Gratë mund të bëjnë shumë punë në të njëjtën kohë.

Një mesazh për të gjitha gratë lidhur me kibernetikën, ndau Miranda Harizaj, CEO e WIT Albania. Ajo tha se:“Femra është një forcë e madhe në të gjitha fushat, pse jo të mos jetë edhe në fushën e kibernetikës”. Ajo doli në mbështetje të të gjitha grave, të cilat po drejtojnë në mënyrë të mrekullueshme, poste që deri dje njiheshin si “poste meshkujsh”.

Arlinda Muja, nga Kredo.al tha se sot 30 vite nga rrëzimi i komunizmit, situata ka ndryshuar pasi inovacioni ka ecur me ritme të shpejta në vendin tonë. Arlinda tha se 63% e shqiptarëve sot janë përdorues të internetit. Gratë sot janë vendimarrëse dhe kanë një rol të fuqishëm lidershipi në politikë, institucione, media, biznes, shoqëri civile.“Sot 18 vjet pas diplomimit tim, drejtimin e kompanisë Fintech të Mikrofinancës, Kredo.Al e shoh si vazhdimësi të një rrugëtimi të sukseshëm që më bën të ndihem e plotësuar dhe e realizuar në qëllimet e mia profesionale”.  Por, gjithë ky rrugëtim drejt suksesit padyshim që nuk ka qenë aq i lehtë.
Arlinda theksoi se në Kredo.al, rreth 71% e kompanisë dominohet nga femrat, ndërsa në ekipin menaxherial ka një staf me 100% femra. Ndaj, suksesin e kompanisë së saj ua dedikon femrave.

Ajo ndau me të pranishmit disa këshilla të rëndësishme:

  • Mos synoni që në 10 vitet e para të punës të merrni poste drejtuese. Këto 10 vite shfrytëzojini për të mësuar gjëra të reja.
  • Mos jini vetëm një IT. Sa më shumë të njihni komponentët e biznesit ku jeni të punësuar, aq më i lehtë do të jetë suksesi dhe zhvillimi juaj profesional.
  • Çdo ide që jepni, duhet ta jepni me një strategji.

“E ardhmja u përket inovacionit dhe grave drejtuese. Koha është në avantazhin tuaj. Unë jam e bindur që do t ia  dilni. Prandaj, mos u ndalni”.
Po ashtu, fjalime ku rrëfyen historitë e tyre të suksesit mbajtën edhe Xhenina Pashaj themeluese e Code IT, Anxhel Neli nga komuniteti SPI dhe D3c0ders me Gjejzën.
Nga Vodafon Albania ishte e pranishme Zoica Doko, e cila referoi mbi temën “Frika e pasigurisë”. Sipas Zoicës, “Nëse një gjë është e panjohur përballuni me të. Mund të dështoni por gjejeni forcën të ngriheni dhe kështu do të kuptoni se siguria është pjesë e të gjithëve”.

Lexo: Një ditë me gra të suksesshme

Rezart Prifti theksoi gjatë fjalës së tij në panel se dhuna ndaj grave bëhet pengesë për karrierën e tyre

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale