Wizz Air, kompania ajrore udhëheqëse në Shqipëri si dhe linja më e qëndrueshme mjedisore në nivel botëror ka kënaqësinë të njoftojë se këtë sezon veror do të rrisë edhe më tej numrin e fluturimeve brenda një jave, përkatësisht drejt disa destinacioneve të njohura nga Tirana si: Romë, Budapest dhe Vienë. Gjatë verës së 2024, Wizz Air do të ofrojë më shumë se 4.5 milionë vende për pasagjerët në më shumë se 50 destinacione. Një shifër kjo, më e lartë se e konkurrentëve të saj, duke përforcuar pozicionin e saj në Shqipëri si udhëheqëse e tregut.
Fluturimet nga Tirana drejt Budapestit do të realizohen 5 herë në javë, ndërsa fluturimet drejt Vjenës tashmë do të kryhen çdo ditë duke nisur nga mesi i muajit korrik. Fluturimet drejt aeroportit Fiumicino të Romës do të numërojnë 21 vajtje-ardhje në javë nga Tirana. Këtë verë, kompania do të ofrojë mbi 350 fluturime javore vajtje-ardhje nga kryeqyteti shqiptar.
Duke rezervuar që tani udhëtimin e sezonit të verës, pasagjerët mund të përfitojnë nga çmimet e ulëta të Wizz Air, duke filluar nga vetëm 14.99 euro. Biletat mund t’i gjeni në faqen zyrtare të internetit si dhe në aplikacionin WIZZ.
Itenerari veror i Wizz Air ofron fluturime drejt më shumë se 50 destinacioneve. Prej tyre 19 qytete në Itali, përfshirë Milanon, Romën, Venecian, Bolonjën, Napolin dhe Katanian dhe deri në destinacione të tjera si: Abu Dhabi (Emiratet e Bashkuara Arabe), Madrid dhe Barcelonë (Spanjë), Paris, Lion dhe Nice (Francë), Athinë (Greqi), Londër (Mbretëri e Bashkuar), Berlin, Hamburg, Këln (Gjermani) e shumë të tjera. Ka disa risi për orarin e sezonit të verës, Wizz Air do të lidhë Tiranën me Valencian (Spanjë) si dhe Leipzig (Gjermani) për herë të parë, si dhe do të vazhdojë të operojë në destinacionet e inaguruara së fundmi drejt Bukureshtit (Rumani), Pragë (Republika Çeke) dhe Krakov (Poloni).
Për më tepër, Wizz Air ka njoftuar disa fluturime speciale drejt ndeshjeve të Kampionatit Evropian të Futbollit në Gjermani për të gjithë fansat shqiptarë. Këto fluturime të veçanta edhe do t’i kthejnë tifozët në shtëpi pas ndeshjes. Linja ajrore do të realizojë fluturime drejt ndeshjeve në datat 15, 19 dhe 24 qershor. Të gjithë tifozët qe dëshirojnë të mbështesin ekipin kombëtar mund të blejnë biletat me çmimet fikse prej 179 euro.
Sezonin e shkuar veror, afro 3 milionë pasagjerë fluturuan nga Shqipëria me Wizz Air. Pjesa më e madhe e pasagjerëve i rezervuan biletat e tyre shumë kohë para fluturimit dhe destinacionet më të preferuara ishin Italia, Spanja dhe Gjermania.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
