PASAGJERI I 7-MILIONTË I VITIT NË AEROPORTIN NDËRKOMBËTAR TË TIRANËS FLUTUROI NË UDHËTIMIN E PARË NISUR NGA TIRANA DREJT PRAGËS
Wizz Air, kompania ajrore udhëheqëse në Shqipëri dhe linja më e qëndrueshme mjedisore në nivel botëror ka zgjeruar rrjetin e destinacioneve duke njoftuar hapjen e dy linjave të reja që lidhin qytetin plot gjallëri të Tiranës me dy qytetet magjepsëse të Pragës, në Republikën Çeke dhe Krakovës në Poloni. Planifikoni udhëtimin tuaj duke rezervuar drejt këtyre dy qyteteve me një çmim që fillon prej vetëm 14,99 euro në wizzair.com ose përmes aplikacionit WIZZ.
Fluturimet që do të lidhin Tiranën me Pragën dhe Krakovën do të operojnë tre herë në javë, gjatë gjithë vitit, duke përfshirë të hënën, të mërkurën dhe të premten. Fluturimet drejt këtyre dy qyteteve u nisën më 18 dhjetor 2023, dhe u shoqëruan me një aktivitet festiv ekskluziv të zhvilluar në Aeroportin Ndërkombëtar të Tiranës (TIA). Ky aktivitet i rëndësishëm jo vetëm shënoi përurimin e dy linjave të reja, por gjithashtu njohu një moment historik për aeroportin – arritjen e 7 milionë pasagjerëve që kanë fluturuar përmes Aeroportit Ndërkombëtar të Tiranës brenda këtij viti.
Pasagjerit të 7-miliontë, i cili po udhëtonte në fluturimin e parë nisur nga Tirana drejt Pragës iu dhurua një kupon nga Wizz Air. Ky bashkëpunim mes Wizz Air dhe Aeroportit Ndërkombëtar të Tiranës, ka luajtur një rol kryesor në lidhjen e pasagjerëve me qytetet ndërkombëtare. Gjatë këtij aktiviteti festiv, përfaqësues të Wizz Air dhe Aeroportit Ndërkombëtar të Tiranës shprehën entuziasmin e tyre për përurimin e këtyre dy linjave të reja dhe arritjen e këtij momenti historik.
“Jemi të emocionuar për zgjerimin e dy linjave të reja të Wizz Air që nisen nga Tirana, duke u ofruar pasagjerëve shqiptarë mundësinë të eksplorojnë destinacionet e reja magjepsëse në Republikën çeke dhe në Poloni. Çmimet e biletave fillojnë nga vetëm 14.99 euro, diçka që pasqyron angazhimin tonë për të siguruar lidhjen e Shqipërisë me qytetet e tjera të Europës, duke ofruar gjithashtu shërbim të cilësisë më të mirë”, u shpreh Tamara Nikiforova, Menaxhere e Marrëdhënieve të Komunikimit në Wizz Air.
Lexo edhe:5 destinacionet dimërore që mund të vizitoni jashtë sezonit me ofertat e pakrahasueshme të Wizz Air
Për më tepër, Drejtori i Përgjithshëm i Operimeve në Aeroportin Ndërkombëtar të Tiranës, Piervittorio Farabbi, gjithashtu u shpreh i emocionuar për arritjen e këtij momenti historik.
“Kemi arritur dyfishin e pasagjerëve krahasuar me vitin 2019 dhe gjithashtu në Tia kanë fluturuar 35% më shumë pasagjerë se vitin e kaluar. Kjo falë të gjitha linjave ajrore, por sigurisht Wizz Air është linja kryesore në Shqipëri dhe jo rastësisht, pasagjeri i 7 miliontë është në këtë fluturim të Wizz Air drejt Pragës”, u shpreh Piervittorio Farabbi.
Wizz Air, kryeson indrustrinë e aviacionit në Shqipëri, duke fluturuar drejt më shumë se 50 destinacioneve, në 16 shtete të ndryshme, midis të cilave 30 prej tyre janë destinacione unike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
