CEO i Meta, Mark Zuckerberg ka njoftuar së fundi se WhatsApp po punon për një veçori që do t’ju lejojë të largoheni në heshtje nga një grup. Sipas The Guardian, administratorët e grupit do të njoftohen, kështu që daljet nga grupi juaj nuk do të jenë plotësisht sekrete, por është më mirë se asgjë.
Nuk është e vetmja veçori e re që po vjen. WhatsApp gjithashtu do të bllokojë marrjen e screenshots e mesazheve “view once”, një veçori e njohur nga Snapchat, pionieri i mesazheve kalimtare. Si gjithmonë, kini parasysh se kjo nuk garanton privatësi, pasi personi në anën tjetër mund të bëjë gjithmonë një foto të ekranit të telefonit.
Lexoni: WhatsApp sjell opsionin e ri. Një “shans i dytë” për mesazhet që dërgoni
Më në fund, Zuckerberg konfirmoi një veçori që pamë duke u testuar në korrik, duke i lejuar përdoruesit të fshehin statusin e tyre online. Kjo do të thotë që përdoruesit e tjerë nuk do të jenë në gjendje të shohin se kur e keni përdorur për herë të fundit aplikacionin.
“Ne do të vazhdojmë të ndërtojmë mënyra të reja për të mbrojtur mesazhet tuaja dhe për t’i mbajtur ato private dhe të sigurta sa bisedat ballë për ballë,” tha Zuckerberg në postim.
Sipas The Verge, dalja nga grupi dhe statusi i fshehur online po vijnë këtë muaj, ndërsa parandalimi i screenshot po vjen “së shpejti”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
