WebProm, 18 vjeçari sjell platformën online për marketing dhe “vetëpunësim”


Françesko Lamçe është i riu 18 vjeçar që ka sjellë versionin e përditësuar të platformës Start Ad, por tashmë edhe me një emër të ri WebProm. Pasioni për t’u zhvilluar dhe për t’u bërë një sipërmarrës dhe emër suksesi në tregun shqiptar reflektohet në punën e tij të palodhshme për të sjellë gjëra të reja dhe për t’u përmirësuar çdo ditë.

WebProm është një platformë, e cila sjell risi në marketingun dhe “vetëpunësimin” online në Shqipëri. Kjo platformë prej një viti operon në treg, ku numëron mbi 15 biznese që reklamojnë aty dhe mbi 20 website, me të cilat bashkëpunon.

Platforma WebProm operon në dy drejtime:

  • Publikues – është llogaria që ndryshe quhet edhe VETËPUNËSIM. Në këtë llogari të gjithë personat që kanë një web, mund të tërheqin reklamat nga sistemi dhe t’i shfaqin në web-in e tyre, duke siguruar të ardhura mujore.
  • Reklamues – është llogaria që u dedikohet bizneseve. Platforma WebProm u ofron hapësirë  nëpërmjet banerave bizneseve që duan të promovohen në faqe të ndryshme.

Në këtë sistem, të gjitha procedurat kryhen online. Ju mund të shikoni çdo statistikë në kohë reale si: Sa veta e shikojnë apo e klikojnë dhe nga cilat vende dhe pajisje e kanë parë reklamën tuaj.

Reklamimi i bizneseve në këtë platformë bëhet ndërmjet banerave, WebProm përmes një bashkëpunimi me Bannersnack. Ky u ofron suport bizneseve në krijimin e banerave profesionalë.

Lexoni: Françesko Lamçe, 17 vjeçari që ka krijuar dy platforma online

Një nga pikat e tjera të WebProm është departamenti i Support. Ofrohet mundësia për të kontaktuar në disa kanale si: Chat Live 24/7, që ndodhet në platformë ose edhe në email apo nëpër rrjeteve sociale.
Gjithmonë është dikush aty për t’iu përgjigjur çdo problemi.

Të gjitha procedurat/pagesat bëhen online dhe janë të sigurta pasi faqja është e mbrojtur me certifikatë sigurie.
Pagesat kryhen nga platforma si PayPal ose nëpërmjet bankës, së shpejti edhe me Credit Cart.

Si mund të regjistroheni në WebProm?

Për t’u bërë pjesë e platformës, mjafton të regjistroheni në faqen zyrtare https://webprom.xyz/, ku plotësoni të dhënat që ju kërkohen dhe llojin e llogarisë që dëshironi të hapni. Gjithashtu, ofrohet një guidë trajnuese online për të gjithë ata që kanë probleme me aksesimin e funksionaliteteve në faqe, ku mund të gjenden video dhe materiale të tjera.

Për më shumë informacion klikoni në linkun: http://help.webprom.xyz/

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale