Wal-Mart Stores Inc. ka thënë ditën e sotme se do të mbyllë formatet e dyqaneve më të vogla, Walmart Express dhe gjithashtu edhe 269 dyqane në të gjithë botën, duke përfshirë 154 në SHBA, në një ristrukturim që do të prekë 16,000 punonjës.
Wal Mart, rishitësi me pakicë më i madh në botë, tha se kjo lëvizje synon të rrisë fitimet për aksion nga 20 centë në 22 centë.
Lëvizja vjen tre muaj pasi CEO Doug McMillon sinjalizoi investitorët se po planifikonte të rishikonte operacionet e rishitësit gjigand dhe të mbyllte dyqanet me performancë jo të mirë.
Wal-Mart tha se ka në plan të mbyllë 102 nga format e saj të dyqaneve Express, që janë zakonisht më të vogla se një e dhejta e një superqendre tipike Wal-Mart. Formati bënte pjesë e një projekti pilot që prej 2011-s por nuk ka dhënë rezultatet e dëshiruara.
52 dyqanet e tjera në SHBA janë një miksim i Superqendrave, formati më i madh i Wal-Mart; dyqaneve me zbritje, një format groseri i quajtur Neighbourhood Market dhe Sam’s Club, zinxhir i shitjeve të çdo artikulli.
“Duke menaxhuar në mënyrë aktive portofolin tonë të aseteve është shumë e rëndësishme të mbajmë një biznes të shëndetshëm,” ka thënë në një deklaratë McMillon. “Të mbyllësh dyqane nuk ëhstë kurrë një vendim i thjeshtë, por është e nevojshme për ta mbajtur kompaninë të fortë dhe të pozicionuar për të ardhmen.”
Wal-Mart tha se do të mbyllë 115 dyqane internacionalisht, ku 60 prej tyre janë në Brazil dhe pjesa që mbetet e tyre, zakonisht dyqane më të vegjël, që janë një shpenzim i parave në vendet e tjera të Amerikës Latine. Reuters raportoi për mbylljen e të dyqaneve Wal-Mart në Brazil ditën e enjte.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
