Vjen në Shqipëri Tirana WordPress Meetup. Ai është një komunitet, ku mblidhen programues, dizajnerë, përkthyes dhe persona të tjerë qe punojnë me WordPress ose dëshirojnë të marrin më shumë njohuri për WordPress. Pas takimeve të para, eventi i rradhës do të jetë me 7 Maj. Në komunitet mund të marrin pjesë edhe persona që nuk kanë njohuri për WordPress dhe mund t’i marrin aty njohuritë e duhura.
Komuniteti është krijuar me aprovimin e WordPress.org dhe mbështetet prej saj. Takimi i parë u zhvillua në fillim të shkurtit.
Eduart Milushi, drejtues i këtij eventi, thotë se, “Takimet tona janë të përmuajshme dhe zgjasin rreth 2 orë. Në çdo takim vendoset se për çfarë teme do të flitet në takimin pasardhës, ku çdo pjesëmarrës jep mendimin e tij dhe tema që është zgjedhur nga më shumë pjesëmarrës vendoset të zhvillohet në takim pasardhës”. Më tej, organizatori kontakton pjesëmarrësit e tjerë dhe kërkon ndihmë për të gjetur personin/personat që mund të flasin për temën. Ata mund të jenë brenda në komunitet, por edhe jashtë komunitetit.
Lexo: Webinar falas: Kurse për Programimin në Distancë
“Qëllimi kryesor i komuniteti është që të japim kontributin tonë në WordPress, duke qenë se një pjesë e madhe e jona e përdorim atë për përfitime”, thotë Eduarti, duke kujtuar se ai vetë është programues dhe me anë të WordPress siguron jetesën. Por, përmes komunitetit, përfitojnë të gjithë pjesëmarrësit. Ata që kanë pak ose aspak njohuri për WordPress, marrin njohuritë bazë dhe madje edhe njohuri të avancuara. Ata që kanë njohuri, kanë mundësi të marketojnë veten dhe gjithashtu të rrisin aftësitë e komunikimit në publik. Për WordPress kjo është një mundësi e rritjes së përdoruesve, por edhe kontribut në vetë platformë, pasi herë pas here organizohen “contribution day”, ku programuesit mund të kontribojnë në përkthim, programim, marketing, etj.
Çdo punë e bërë në komunitet është kontribut vullnetar nga pjesëmarrësit.
Qëllimi i organizatorëve është që nga një Meetup lokal të arrihet në krijimin e Tirana WordCamp, një konferencë 100% e fokusuara në WordPress. Në evente të tilla mund të marrin pjesë mbi 2000 veta, por ky është një plan i të ardhmes.
Tirana WordPress Meetup është i rëndësishëm për ndërveprimin shoqëror. Programuesit përgjithësisht janë persona të mbyllur, për shkak të punës, por edhe sepse në këto kohë shumica e kryejnë punën nga shtëpia dhe kanë pak ndërveprim shoqëror. Kjo ndikon shumë tek gjendja e shendetit mendor, duke shkaktuar stres, ankth etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
