Veprimet e thjeshta që mund ta ndalojnë përhapjen e Covid-19

Nëse lani duart rregullisht, mbani maska ​​dhe mbani distancë sociale me njëri tjetrin do të ishin mjaftueshëm për të ndaluar koronavirusin pa qenë e nevojshme shpikja e një vaksine. Ky studim u botua të martën në një revistë shkencore ndërsa sugjeron metodat më efikase për të parandaluar përhapjen e koronavirusit dhe pse jo për ta eliminuar plotësisht atë.

Një epidemi e madhe mund të parandalohet nëse efikasiteti i këtyre masave tejkalon 50%. Nëse njerëzit ndryshojnë sjellje me vonesë ata mund të zvogëlojnë numrin e rasteve por s’mund të shmangin pikun e pandemisë.

Njësoj edhe nëse qeveritë marrin masa izolimi të menjëhershme por personalisht njerëzit nuk kujdesen përsëri do kishte shtyrje por jo shmangie të kulmit të rasteve. Kulmi i pandemisë mund të shtyhet me masat e ndërmarra deri në 7 muaj por jo më tepër, kështu shkruhet në studim.

Nëse distanca fizike e vendosur nga qeveria do kombinohej me vetëdijen e popullatës dhe kujdesin personal piku i pandemisë mund të shmangej. Kjo nënkupton se koronavirusi nuk do shkaktojë një shpërthim të madh në një vend ku 90% e popullsisë i lan duart, ruan distancën fizike dhe pajiset me maskë, faktorë që kanë 25% efektivitet.

Autorët e studimit propozojnë që qeveritë të edukojë opinionin publik në lidhje me mënyrën se si përhapet virusi dhe të rrisë vetëdijen për rëndësinë thelbësore që ka ndërgjegjësimi dhe kujdesi personal për të luftuar pandeminë.

CNN

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale