"Një shtëpi e lirë sa një TV"...Vendi ku 96% e shtëpive kanë një pronar

Vendi ku 96% e shtëpive kanë një pronar


Rumania renditet e para në botë për pronësinë private. Por kjo nuk do të thotë se blerja e një shtëpie është e lehtë.

Rumania ka shkallën më të lartë të zotërimit të shtëpive në botë.

Sipas të dhënave të Eurostat, 96% e rumunëve jetojnë në banesa të zëna nga pronarët. Por, politikat e qeverisë, ekonomia, mundësitë e pakta të qirasë dhe presioni shoqëror për t’u bërë pronar i një shtëpie është një eksperiencë e pashmangshme për të gjithë brezat.

Në vitin 1990, në fund të regjimit komunist në Rumani, shteti zotëronte 70% të apartamenteve, thotë Bogdan Suditu, ekspert i planifikimit dhe profesor në Universitetin e Bukureshtit. Kur qeveria nisi të shesë këto prona, njerëzit nxituan të blejnë shtëpitë në të cilat po jetonin me çmime shumë të mira. Monedha e zhvlerësuar e Rumanisë, e shoqëruar me inflacionin në rritje, e bëri blerjen të lehtë.

“100,000 lei (2,671,328 ALL) për një apartament në vitin 1991 ishte një çmim i drejtë në atë kohë. Në vitin 1994, ky ishte çmimi i një TV me ngjyra,” thotë Suditu.

“Zotërimi i një shtëpie ka shumë avantazhe, kështu që unë inkurajova edhe fëmijët e mi për ta bërë këtë,” thotë Carmen Ralea, 66 vjeç.

Megjithëse Rumania nuk ka patur gjithmonë një kulturë të pronarëve të shtëpive, vendi i ka dhënë rrugë një mentaliteti pro-pronësore.

“Gjithëkush ju shet idenë e pronës. Prindërit e tu e bëjnë, bankat ju ofrojnë kredi të lira, zhvilluesit e pasurive të patundshme ofrojnë të gjitha llojet e zgjidhjeve. Gjithkush flet për mënyrën se si të bëhet pronar i një shtëpie në çdo rrethanë.”

Edhe pse peizazhi global po zhvillohet, Rumania mbetet një vend i pronarëve të shtëpive. Sipas një raporti nga Programi i Zhvillimit Rajonal i Bankës Botërore dhe Rumanisë, një “treg ku pothuajse mungon qiraja” kontribuon drejtpërdrejtë në mbipopullimin pasi gjeneratat e shumëfishta ose familjet e zgjeruara jetojnë së bashku, madje edhe kur familjet zgjerohen.

Raporti gjithashtu tregon se më shumë se një e treta e shtëpive në Rumani është gjithashtu në gjendje të keqe, me probleme strukturore, probleme të ngrohjes dhe pa siguri ndaj tërmeteve (rreziku i Rumanisë është më i larti në Evropë). Ndër arsyet për mungesën e riparimeve, është fakti se shumë pronarë nuk mund t’i përballojnë ato.

“Unë nuk jam e sigurt nëse të jesh një pronar shtëpie është një bekim apo një mallkim,” Cristina Ana, 42 vjeç.

/BBC

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0