Veliaj: Shtyhet deri në qershor afati për detyrimet e bizneseve

Veliaj: Shtyhet deri në qershor afati për detyrimet e bizneseve


Kryetari i Bashkisë së Tiranës, Erion Veliaj, u shpreh se Këshilli Bashkiak do të zhvillojë për herë të parë sot mbledhje virtuale.

Do të merret vendimi për të shtyrë detyrimet e bizneseve deri në qershor, për shkak të situatës së jashtëzakonshme të krijuar nga virusi Corona në vend. Veliaj tha se do të heqin disa investime për t’ia kaluar fondet shpenzimeve për linjat urbane dhe dezinfektimeve. Gjithashtu, një pjesë e fondeve do të shpenzohet për të blerë më shumë vakte për t’ia dërguar të moshuarve në shtëpi.

“Një nga vendimet e para që do të marrë Këshilli Bashkiak në mbledhjen virtuale do të jetë shtyrja e afatit për të gjitha detyrimet nga bizneset deri në qershor. Më pas do të konsultohemi me qeverinë, sa të zgjasë kriza, në të njëjtën masë do të jenë ndihmat dhe lehtësirat”, tha Veliaj në një lidhje të drejtpërdrejtë për A2CNN.

Erion Veliaj foli edhe për mbylljen e Parkut të Liqenit dhe ndihmën që do të ofrojë bashkia ndaj qytetarëve me aftësi ndryshe dhe të moshuarve, të cilat janë kategoria që ka më shumë nevojë për përkujdesje.

“Është absolutisht e nevojshme të kujdesemi për më të dobëtit. Ne jemi në kontakt me të gjithë institucionet dhe ata janë pjesë e listave tona. Punonjësit e bashkisë do të fillojnë me shërbimin delivery, tek të gjithë të moshuarit dhe qytetarët me aftësi ndryshe, që kemi indentifikuar. Do të dërgojmë pako ushqimore, në mënyrë që të shmangim sa më shumë daljen e qytetarëve nga shtëpia”, deklaroi Veliaj.

Numri ynë i gjelbër 0800 888 është në dispozicion. Të gjithë duhet të bëjnë detyrën e qytetarit dhe duhet të na sinjalizojnë për rastet që kanë nevojë”, shtoi ai.

“Në dallim nga një dyqan, Parku i Liqenit, nuk ka një qepen, është një hapësirë gjigande dhe kërkohet një sensibilizim i posaçëm. Vumë re se shumë të moshuar vijuan të luajnë domino dhe të frekuentojnë ambientet e parkut. Arritëm në konkluzionin që të merrnim këtë masë radikale. Parku po kthehej në një magnet për qytetarët, sidomos për të moshuarit. Për të qenë bashkë nesër, duhet të jemi të ndarë sot”.

“Kjo është një situatë e jashtëzakonshme, prandaj edhe masat e marra duhet të jenë të tilla. Një nga arsyet kryesore që disa nga fqinjët tanë kanë shumë të prekur është se e morën lehtë dhe me sportivitet. Ne duhet të mësojmë nga gabimet e tyre dhe të qëndrojmë në shtëpi. Në 97-ën i dëgjonim plumbat dhe e dinim se nga vinte rreziku. Në këtë situatë është e pamundur të dëgjojmë plumbat virtualë, të cilët mund të jenë edhe më të rrezikshëm”.

Kryetari i Bashkisë së Tiranës u bëri thirrje qytetarëve të ruajnë distancën dhe të zbatojnë rregullat e higjienës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0