Universiteti nis t’i përgjigjet tregut të punës. Rriten regjistrimet në IT - Business Magazine Albania

Universiteti nis t’i përgjigjet tregut të punës. Rriten regjistrimet në IT


Orientimi i tregut të punës drejt fushës së teknologjisë, po reflektohet tashmë edhe tek prirja e arsimimit në këto fusha. Studimet në fushat e inxhinierisë dhe teknologjisë së informacionit kanë marrë më shumë vëmendjen e prindërve dhe të rinjve shqiptarë. Krahas regjistrimeve në rritje të arsimit të mesëm, edhe numri i studentëve në universitet në këto degë është në rritje.

Në pesë vitet e fundit, sipas Institutit të Statistikave, ka një zhvendosje të dukshme të studentëve drejt këtyre degëve. Më saktë, numri i studentëve është ulur në degë si Juridiku, madje edhe Ekonomiku dhe po rritet në degët e IT dhe TIK.

Sipas INSTAT, në pesë vite numri i studentëve në ekonomi dhe juridik është 20% më i ulët, duke rënë në 2018-ën me 8600 krahasuar me vitin 2014. Në të njëjtën periudhë, degët e inxhinierisë pësuan një rritje të regjistrimeve me rreth 7% dhe ato të TIK-ut gati 5%.

Por, megjithë tendencën pozitive në përgjigje të tregut të punës, ndryshimi është gati i vonuar dhe me një sjellje të zbehtë ndaj kësaj kërkese. Kërkesa e lartë për ekspertë në fushën e IT, brenda dhe jashtë vendit, nuk ka penguar rreth 25% të studentëve të studiojnë biznes e drejtësi.

Nevojë për një përgjigje pozitive nga universiteti kanë fushat e teknologjisë së informacionit, turizmit dhe bujqësisë. fusha me interes dhe potencial për zhvillim. Ndërkohë, të dhënat e INSTAT tregojnë se regjistrimet në Universitetin Bujqësor kanë rënë me rreth 50%.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0