Universiteti i Harvardit ofron kurs online falas programimi

Ëndrra e të studiuarit në Universitetin e Harvardit mund të duket paksa e largët në një përshtypje të parë. Sidoqoftë, përtej bursave dhe programeve të shkëmbimit, ekzistojnë opsione reale që e lejojnë këtë qëllim të përmbushen pa pasur nevojë për transferime dhe dokumente. Kjo arrihet me kurse falas online të cilat paraqiten si alternativa ideale për t’u trajnuar në çdo universitet në botë pa u larguar nga shtëpia, duke përdorur vetëm kompjuterin.

Universiteti i Harvardit, në përgjigje të këtij trendi global, bashkohet me listën e gjatë të universiteteve në botë që ofrojnë këtë mundësi, nëpërmjet  kursit falas në internet në lëndën ‘’ Hyrje në Computer Science’’. Në këtë kurs lektor është David J Malan dhe përfshin leksione rreth C, Python, JavaScript, CSS, HTML dhe SQL. Kursi ofrohet nëpërmjet një platforme arsimore EdX, e themeluar së bashku me MIT-in për të shpërndarë njohuri të ndryshme për qytetarët nga të gjitha anët e botës.

Kursi falas zgjat 12 javë. Kandidatët pjesëmarrës duhet të investojnë nga 6 deri në 18 orë në javë. Temat e përfshira në program përfshijnë abstraksionin, algoritmet, strukturat e të dhënave, menaxhimin e burimeve, sigurinë, inxhinierinë e softuerëve dhe zhvillimin e uebit.

Gjuhët programuese përfshijnë C, Python, SQL dhe JavaScript plus CSS dhe HTML. Problemet që do të trajtohen janë të frymëzuara nga ngjarje reale të biologjisë, kriptografisë, financave, kriminalistikës dhe lojërave. Studentët që vlerësohen me notën 9 në zgjidhjen e këtyre problemeve dhe në projektin përfundimtar do të certifikohen. Certifikata mund të tërhiqet duke paguar një tarifë prej 199 $.

Çfarë do të mësoni:

  • Një mësim i gjerë dhe i fortë i shkencës kompjuterike dhe programimit
  • Si të mendoni algoritmikisht dhe të zgjidhni problemet e programimit në mënyrë efikase
  • Koncepte si abstragimi, algoritmet, strukturat e të dhënave, menaxhimi i burimeve, siguria, inxhinieria e softuerit dhe zhvillimi i uebit
  • Njohja e gjuhëve kompjuterike, duke përfshirë C, Python, SQL dhe JavaScript plus CSS dhe HTML
  • Si të angazhoheni me një komunitet aktiv të studentëve me të njëjtin mendim nga të gjitha nivelet e përvojës
  • Si të zhvilloni dhe prezantoni një projekt përfundimtar të programimit

Kursi në internet do të udhëhiqet nga David J Malan, profesor i shkencave kompjuterike nga Shkolla e Inxhinierisë dhe Shkencave të Zbatuara të Harvardit John A. Paulson së bashku me Dough Lloyd dhe Brian Yu.

Për informacion të mëtejshëm, mund të vizitoni faqen zyrtare të kursit CS 50 në faqen e internetit të Universitetit të Harvardit dhe për t’u regjistruar në kurs, mund të vizitoni faqen e internetit të edX.

TECHGIG

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale