Kompania e veshjeve H&M po përballet me sulme masive për shkak të fushatës së saj të fundit. Incidenti ka shkaktuar shumë debate në industrinë e veshjeve në mbarë botën.
Një reklamë në faqen e H&M tregonte një djalë të vogël me ngjyrë i cili mbante veshur një bluzë me sloganin “Majmuni më i bukur i xhunglës”. Fotoja u bë virale në rrjetet sociale dhe thirrjet ndaj H&M për të fshirë reklamën, kërkuar falje për marketingun racist ishin të shumta.
Supremacistët e bardhë, racistët dhe shtypësit i kanë krahasuar njerëzit me ngjyrë me majmunët për vite me rradhë dhe akoma vazhdohet të përdoren epitete raciste. Deklarata e shkurtër e H&M në përgjigje të zemërimit ishte një falje e shkurtër, dhe kompania menjëherë fshiu reklamën nga faqet e saj të internetit.
Kompania ka kërkuar falje me anë të një postimi në Twitter ku thuhej:
“E kuptojmë dhe e përkrahim shqetësimin e njerëzve për bluzën e djalit. Kompania jonë kërkon falje për foton dhe logon e printuar. Për këtë shkak, ne jo vetëm që e kemi fshirë foton nga rrjetet tona sociale, por gjithashtu kemi ndaluar prodhimin e kësaj veshjeje.”
— H&M (@hm) January 9, 2018
Realiteti i trishtuar është se racizmi është një problem për kompanitë në mbarë botën, duke përfshirë edhe shitësit e veshjeve.
Debati anti-semit i vitit 2014 për markën spanjolle Zara nuk është ndryshe. Atyre ju tërhoq vëmendja për shitjen e rrobave që dukeshin jashtëzakonisht të ngjashme me veshjet që fëmijët hebrenj mbanin në kampet e përqendrimit gjatë Holokaustit.
I njohur është dhe rasti i kompanisë Pepsi, me reklamën e tyre raciste ku personazh kryesor isht modelja ee famshme Kendall Jenner.
Lexoni: Reklama e Pepsit, një dështim për kompaninë
Këto kanë qenë incidente shqetësuese, dehumanizuese në vitet e fundit. Racizmi, dhe kulturat e korporatave që lejojnë shprehjen e saj, duhet t’ju tërhiqet vëmendja që ky fenomen të zhuket nga rrënjët e marketingut.
/HuffingtonPost
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
