Turizmi është një sektor në zhvillim e sipër në Shqipëri. Gjithnjë e më shumë turistë vendas dhe të huaj po vizitojnë Shqipërinë për të parë bukuritë e saj natyrore, për të takuar njerëzit miqësorë, për të provuar kulinarinë dhe për të bërë pushime dinamike.
Sigurisht, turistët kanë nevojë për udhërrëfyes, në mënyrë që të njihen me vendin, historinë, traditat etj. Ashtu si çdo profesion tjetër edhe të qenurit udhërrëfyes ka disa specfika, të cilat prej pak vitesh janë përcaktuar me ligj.
Për këtë na tregoi më gjerësisht Alma Ferhati, eksperte e turizmit. Alma është themeluese dhe menaxhere e agjensisë së udhëtimeve “Pegasos Travel”.
Kjo agjensi është themeluar që prej vitit 2003 dhe është e akredituar nga qeveria. Guidat e Pegasos Travel janë të liçensuara nga Ministria e Turizmit dhe Mjedisit. Me një eksperiencë të gjatë në fushën e turizmit dhe shërbimeve të udhëtimit Alma thotë se, udhërrëfyesit duhet të jenë të trajnuar për të udhëhequr turistët. “Ne jemi akredituar për programet e kualifikimit të Udhërrëfyesit Turistik Kombëtar”, shton ajo.
Prandaj, Pegasos Travel po zhvillon trajnimet e udhërrëfyesve. Trajnime të kësaj natyre kanë nisur prej rreth dy vitesh edhe nga agjensi të tjera. Ato janë të nevojshme, sepse kursantët mësojnë, marrin njohuri të ndryshme në fushën e arkeologjisë, gjeografisë, fushës së biznesit dhe aftësohen në profesion. Grupi prej 17 kursantësh do të liçensohet brenda muajit shkurt. Për trajnime në këtë fushë, janë të mirëpritur të aplikojnë të gjithë të rinjtë, të apasionur pas turizmit dhe udhërrëfimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
