Pas përgjigjes së Ministrisë së Financave se Tatimi mbi Vlerën e Shtuar për fermerët nuk do të rishikohet, kanë reaguar agropërpunuesit. Në fillim të muajit të ardhshëm, fermerët do të protestojnë sërish në Lushnje.
Albanian Food Industry (AFI) bën të ditur se reagimet e Ministrisë së Financave dhe Ekonomisë në fund të javës së kaluar, treguan qartë se qeveria nuk tërhiqet nga ndryshimi i ligjit, i cili ul normën e kompensimit të TVSH-së për fermerin, prodhues i produkteve primare bujqësore, nga 20 në 6 %.
“Kjo ka zhgënjyer fermerët, grumbulluesit dhe përpunuesit nga e gjithë Shqipëria, të cilët ndihen të tradhëtuar nga ky ndryshim i papritur”, thuhet në njoftimin zyrtar.
Përfaqësues nga fermerë, grumbullues dhe përpunues kanë zhvilluar një takim të koordinuar nga AFI, të cilët kanë shfaqur një shqetësim të jashtezakonshëm për situatën e krijuar.
Lexo: TVSH e fermerëve nuk ndryshon sipas Ministrisë së Financave
Pasoja e menjëhershme e këtij ligji, në të gjithë nënsektorët e bujqësisë, është ulja e çmimit të lëndës së parë, pra çmimit efektiv të shitjes së produktit bujqësor dhe blegtoral nga fermeri.
Tabela më poshtë ilustron rastin e çmimit të shitjes si litri qumësht.
Çmimi për njësi pa TVSH TVSH Cmimi i shitjes nga fermerit
DJE – TVSH 20% 40 lekë 8 lekë 48 lekë
SOT – TVSH 6% 40 lekë 2.4 lekë 42. 4 lekë
5.6 lekë më pak për 1 litër
Çfarë sjell ky ndryshim në bujqësinë shqiptare sipas AFI:
- Nxitjen e shitjes së prodhimit bujqësor dhe blegtoral në mënyrë informale
- Cënimin e sigurisë ushqimore për shkak të rritjes së informalitetit
- Ulja e konkurueshmërisë së prodhimit bujqësor dhe blegtoral në tregjet e huaja dhe në tregun vendas karshi produkteve të importit.
Uljen e mëtejshme të leverdisë për mbarështimin e gjedhit dhe të imtave si dhe kutivimin e tokës. Vetëm në vitet e fundit, sipas Shoqatës së Stacioneve Veterinare të Shipërisë, numri i gjedhëve ka një rënie prej 30 mijë krerësh, po ashtu është ulur në mënyrë të ndjeshme numri i të imtave.
- Frenimi i investimeve në fushën e bujqësisë dhe agropërpunimin, apo më keq akoma braktisjen e investitorëve aktualë
- Emigrim masiv dhe braktisje e fshatit
Për të frenuar falimentimin e bujqësisë dhe me shpresën që qeveria do të reflektojë, fermerët, grumbulluesit dhe agropërpunuesit do vijojnë veprimet e tyre, duke organizuar një manifestim paqësor kombëtar në datë 3 Prill 2019 në Lushnjë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
