Turizmi kërkon lehtësira fiskale, kërkesë zyrtare ndaj Ministrisë së Mjedisit

Turizmi kërkon lehtësira fiskale, kërkesë zyrtare ndaj Ministrisë së Mjedisit


Shoqatat e turizimit në vend janë bashkuar për një paketë lehtësuese dedikuar këtij sektori që në pak kohë po përjeton goditjen e dytë të tij pas situatës së tërmeteve të vitit të shkuar.

Në një zyrtare drejtuar Ministrisë së Mjedisit dhe Turizmit ata kanë theksuar ndjekjen e shembullit të fiqnjit tonë Italisë duke rishikuar disa taksa si dhe duke ofruar lehtësi në kushtet e mungesës së likujditetit.

Operatorët kanë konfirmuar se industria ndodhet në kolaps dhe se janë anuluar të gjitha udhëtimet turistike të planifikuara për Mars, Prill dhe Maj. Janë pezull grupet për Qershorin dhe në ditet në vazhdim, në varësi të situatës kompanitë ndërkombëtare që operojne në Shqiperi, si: ITAKA ; DER TOURISTIK ; APOLLO; TUI e tjerë, mund të vendosin qe të anullojnë të gjitha fluturimet charter për sezonin veror 2020 siç kanë bërë edhe në shumë vende të tjera.

“Këto anulime do kenë një ndikim të madh, sidomos në hoteleri, pasi shumë nga hotelet në bazë të kontratave kanë marrë deri në 50% parapagim të cilat duhet ti rikthejnë, gjë e cila do sjellë falimentimin e tyre per shkak të pamundësisë së likujditetit”nënvizuan shoqatat.

Lexoni: Trump anulon fluturimet nga Europa në Amerikë

Në paketën lehtësuese bizneset kanë kërkuar që të përfshihen subvencionet për sigurimet shoqërore dhe shëndetësore e një sërë aspektesh të tjera të përmbledhura në 12 pika.

“Në mënyre që të ndihmohen bizneset për të përballuar situatën e vështirë financiare shoqatat përmes një shkrese zyrtare drejtuar qeverisë kërkojmë:

1- Subvencionim të pagesës së sigurimeve shoqërore për një përiudhë 3-6 mujore

2- Të pezullohet pagesa e Tatim Fitimit për të paktën 3 muaj në vazhdim.

3- Subvencionim 50% të pagës së punonjësve.

4- Dhënia e granteve për subvencionim të pagave të mbetura.

5- Pezullim të pagesave për shpenzime si: ujë dhe elektricitet për një periudhë 6 mujore.

6- Zhvlerësimin e taksës së pronës për vitin 2020.

7- Shtyrja e afatit të pagesës për taksat vendore.

8- Pezullim për një vit të kësteve të kredive pa interes dhe pa penalitet.

9- Të mos paguhet për vitin 2020 e Drejta e Autorit.

10- Te hiqet taksa e aeroportit ( 10 EURO P/P).

11- Rishikimi i deklarimit të bilanceve të vitit 2019 në fund të muajit Prill.

12- Të reduktohen taksat aeroportuale për fluturimet charter nga konçensionari i Aeroportit për vitin 2020, thuhet në pikat e parashtruara nga shoqatat e turizmit.

Goditja e virusit Corona është e dyta që merr sektori i turizmit, brenda pak kohësh. Më herët ky sektor u godit rëndë nga tërmeti i 21 shtatorit dhe ai i 26 nëntorit. Sipas raportit të vlerësimit të nevojës llogaritet që humbjet vetëm për këtë sektor ishin mbi 75 milionë euro.

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0