Para se të bëhej një nga emrat më të njohur në botën e zhvillimit personal dhe produktivitetit, Tim Ferriss ishte thjesht një autor me një ide të çuditshme për një libër. Ai kishte gjetur një mënyrë për të “hack-uar” jetën e tij të përditshme, kishte krijuar një kompani suplemente që funksiononte pothuajse vetë, kishte punësuar asistentë virtualë për detyrat rutinë dhe kishte ulur ndjeshëm orët e punës për të udhëtuar nëpër botë.
Lexo gjithashtu: Si ia doli ky CEO të përballet me “dilemat e inovatorit” dhe të ringjallë kompaninë e tij?
Por kishte një problem, nuk po gjente dot titullin e duhur për librin.
Dhe këtu hyri në lojë një truk i thjeshtë por gjenial, një test Google AdWords.
Ferriss kishte disa ide për tituj:
-Broadband and White Sand
-Millionaire Chameleon
-The 4-Hour Workweek
Lexo gjithashtu: Kush është Aaron Parnas? Ylli i TikTok që po ndryshon mënyrën si Gen Z informohet për politikën
Ai vendosi t’i testonte me një fushatë të thjeshtë Google AdWords. Kur njerëzit kërkonin për tema të ngjashme me përmbajtjen e librit, u shfaqeshin këta tituj në reklama. Brenda pak ditësh dhe me një buxhet prej vetëm disa qindra dollarësh, u bë e qartë: “The 4-Hour Workweek” ishte fituesi i padiskutueshëm.
Ai titull tingëllonte aspirues, rebel dhe paksa i guximshëm. Dhe kjo ishte pikërisht ajo që njerëzit donin.
Kjo zgjedhje e thjeshtë, një test A/B që mund ta bëjë çdokush, i dha Ferriss-it një sukses të menjëhershëm. Libri u kthye në bestseller global, dhe ai ndërtoi një perandori personale me podcast-e, kurse, investime dhe madje edhe një emision televiziv
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
