Këshilli Bashkiak i Tiranës në mbledhjen e tij ka vendosur të rrisë tarifën e transportit urban me 33%, duke e çuar nga 30 lekë në 40 lekë. Rritja u miratua me votat e PS dhe LSI, ndërsa këshilltarët e PD votuan kundër.
Vendimi hyn në fuqi nga 1 shkurti 2016. Kreu i Bashkisë Erion Veliaj ka pohuar se indeksimi i çmimit të biletës duhet bërë ashtu si për mallrat e tjera. Sipas tij, nëse nuk bëhet indeksimi i çmimit të biletës në 1 janar nuk do të kemi autobusë dhe për pasojë qytetarët do detyrohen të marrin taksi. Në mbledhjen e fundit të Këshillit Bashkiak është vendosur dhe për konçesionin e parkingut nëntokësor tek sheshi ‘Rinia’.
Në mbledhje është miratuar edhe Buxhetit i vitit 2016 dhe paketa fiskale. Sipas kryebashkiakut, kryeqyteti do të ketë në vitin 2016 një buxhet prej afro 120 milionë dollarësh, 39% e të cilat do të shkojnë për investime.
/ACP/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
