Trajnim: “Strategji Marketingu dhe Strategji Dixhitale” - Business Magazine Albania

Trajnim: “Strategji Marketingu dhe Strategji Dixhitale”


Ky trajnim do të përfshijë diskutime konceptuale mbi marketingun offline dhe online si edhe shembuj praktikë të tyre. Trajnimi do t’i orientojë pjesëmarrësit se si të kuptojnë strategjitë e marketingut dhe strategjitë dixhitale, si të venë ne zbatime teknikat e reja, si të analizojnë rezulatet e tij dhe si të mund të realizojnë një kërkim të aplikuar në treg me qëllim arritjen e objektivave që lidhen me vendimmarrjen strategjike dhe menaxhimin e përditshëm në terren.

Data: 30 Maj – 2 Qershor 2017

Orari: 16:00- 20:00

Vendi: Dhoma e Tregtisë dhe Industrisë Tiranë, Rruga e Kavajës, Tiranë

OBJEKTIVAT:

  • Njohja me teknika të reja marketingu
  • Zhvillimi i strategjisë së komunikimit
  • Njohja me strategjitë që ndjekin kompani të ndryshme
  • Përqëndrimi në strategjitë që do të aplikoni

PJESËMARRËSIT:

Në këtë trajnim mund të marrin pjesë menaxherë, administratorë të kompanive ose specialistë të marketingut të cilët janë të interesuar për zhvillimin e aftësive strategjike në komunikim dhe teknika të reja të marketingut offline dhe online.

REZULTATE TË PRITSHME:

  • Mirëkuptim i strategjive të marketingut
  • Formulim i saktë i marketingut miks të komunikimit
  • Ndërtimi i një plani të mirëfilltë, i cili funksionon në bazë të segmentimit të saktë të produkteve
  • Strategjitë e penetrimit të tregut online
  • Funksionimi i rrjeteve sociale
  • Ndërtimi i mesazheve për mediat online

PROGRAMI:

  • Llojet e strategjive të marketingut: 5P – 7P, PORTER
  • Rast studimor: Strategjitë që ndjekin kompani të ndryshme
  • Segmentimi i saktë/ Miks i Komunikimit, ATL, BTL, TTL, ONLINE
  • Rruga për të krijuar një prezencë të fortë dixhitale
  • Rast studimor: Ndërtimi i një strategjie biznesi, marke dhe marketingu për tregun
  • Si të krijojmë interes dhe si ta mbajmë atë gjallë. Marketingu në mediat sociale
  • Content Marketing (krijimi i një plani përmbajtjeje dhe mënyrat për të qëndruar i përditësuar)

LEKTORË: Znj. Juela Isaj dhe Z. Dritan Pecini

Juela Isaj

Juela Isaj drejton në nivel rajonal, një nga kompanitë më të mëdha në botë në fushën e reklamës.

Mësimdhënie: trajnime në nivel ekzekutiv dhe menaxhimi të mesëm, për institucione të ndryshme që operojnë në Shqipëri e më gjerë. Lindur në Tiranë, Juela mbaroi studimet në Institutin Teknologjik të Athinës për Menaxhim dhe Biznes. Pas studimeve filloi karrierën në Munich të Gjermanisë, në kompani të ndryshme ndërkombëtare, në fushën e marketingut dhe shitjes. Ka kryer dy studime pas-universitare në Angli. Një në fushën e marketingut strategjik dhe një në lidership, respektivisht nga Chartered Institute of Marketing dhe nga Glamorgan Business School, e renditur në top-list si një nga shkollat më të mira në Angli.

Dritan Pecini

Dritan Pecini është specialist në fushën dixhitale. Ai ka lindur në Tiranë, rritur në Athinë dhe ka kryer studimet në Melburn. Ai ka studiuar për Teknologji Informacioni dhe ka eksperienca të shumta në pozicione të ndryshme në industrinë dixhitale në Australi. Gjatë qëndrimit të tij në Melburn, Dritani ka zotëruar biznesin e tij dhe ka patur bashkëpunime të suksesshme në fushën e edukimit dhe medias. Dritani aktualisht është i punësuar pranë “DDB Albania dhe Montenegro” për të drejtuar pjesën e strategjisë dixhitale për kompaninë dhe klientët e saj.

PAGESA:

Tarifa e pjesëmarrjes në trajnim është 90 Euro, ku përfshihen të gjitha materialet e punës dhe çertifikata në fund të trajnimit.

Për anetarësinë e DHTIT ky trajnim kushton 20% më pak nga vlera standarde.

Për t’u regjistruar plotësoni formularin e aplikimit përpara datës 26 Maj 2017, KËTU

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0