“Marketingu në Epokën Dixhitale – Mundësitë për Biznesin Tuaj” është trajnimi që do të zhvillohet në Tiranë më 3-4 Dhjetor dhe 10-11 Dhjetor, 2019, në kuadër të serisë së Trajnimeve “Gratë në Biznes”.
Programi për Gratë në Biznes në Shqipëri financohet nga Suedia (Embassy of Sweden in Tirana), Italia AICS Tirana, Luksemburgu dhe BERZH. Banka Partnere në këtë Program është Intesa Sanpaolo Bank Albania.
Jetojmë në një botë dixhitale, ku gjysma e popullsisë botërore është online. Aktiviteti online tashmë nuk është më i kufizuar vetëm për leximin e e-maileve; tashmë shkëmbimi me të afërm, blerja e sendeve, produkteve dhe shërbimeve të përditshme është bërë pjese e jetës sonë. Prandaj, bizneset që dëshirojnë të jenë të suksesshme dhe të zgjerojnë aktivitetin e tyre nuk mund të mos i shfrytëzojnë këto mundësi.
Përmbajtja e trajnimit është krijuar posaçërisht për gratë në biznes. Shtrirja e tij në dy periudha të ndryshme do t’ju japë mundësinë të zbatoni disa nga aftësitë e marra në pjesën e parë dhe njëkohësisht, të reflektoni mbi mundësitë që Marketingu Dixhital ju ofron për biznesin tuaj. Trajnimi është i bazuar në praktikat më të mira ndërkombëtare dhe në ekspertizën e trajnuesve. Ai i dedikohet grave që duan të zhvillojnë aftësitë sipërmarrëse dhe udhëheqëse dhe të njihen me metoda inovative për ta shtyrë biznesin përpara.
Trajnimi do të mbahet në gjuhën shqipe. Pagesa për të 4 ditët e trajnimit është 100 euro falë kontributit të donatorëve. Ju mund të kontaktoni me email në allae@ebrd.com ose në numrat e telefonit +355 69 20 66230 / 04 2259 439.
Për më shumë informacion klikoni Këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
