Qendra ALERT dhe Lëvizja Europiane në Shqipëri (EMA) hapin thirrjen për pjesëmarrje në serinë e trajnimeve që synojnë:
-Rritjen e kapaciteteve të OSHC-ve dhe aktorëve lokalë
-Fuqizimin e avokimit për të drejtat e konsumatorit
-Njohjen me standardet dhe praktikat më të mira të BE-së
Temat kryesore përfshijnë:
-Mbrojtjen e konsumatorit & sigurinë ushqimore në nivel qendror dhe vendor (Kap. 28 & 12)
-Kuadrin ligjor & institucional në Shqipëri dhe në BE
-Praktika të padrejta tregtare, kontrata, digjitalizimi, etj.
-Procesi i ankimimit për një produkt ushqimor / joushqimor dhe trajtimi / zgjidhja e ankesave
-Përfshirjen në Tryezat e Diskutimit dhe Këshillimit të PPIE
Pjesëmarrësit? 20 përfaqësues të OSHC-ve, aktivistë dhe grupe të interesit për secilin trajnim
📌Ku do të zhvillohen?
• 6 trajnime nga Qendra ALERT në Fier, Korçë, Shkodër, Dibër, Gjirokastër, Vlorë
• 2 trajnime nga EMA në Tiranë
Trajnimi i parë do të zhvillohet në Tiranë më datë 14 maj 2025, prandaj ju ftojmë të aplikoni duke plotësuar këtë formular
*Formulari i aplikimit do të mbetet i hapur pa një afat të përcaktuar, duke funksionuar me regjistrim në vazhdimësi (rolling basis), bazuar në datën përkatëse të trajnimit për të cilin jeni i interesuar.
Pas trajnimit, do të pajiseni me certifikatë pjesëmarrjeje dhe mundësi për t’u bërë pjesë e Rrjetit të OSHC-ve për Mbrojtjen e Konsumatorit.
*Kjo seri trajnimesh do të realizohet në kuadër të projektit “Linja e gjelbër për mbrojtjen e konsumatorit – Siguria ushqimore dhe forcimi i mbrojtjes së të drejtave të konsumatorëve në Shqipëri nëpërmjet fuqizimit të OSHC-ve lokale”, financuar nga Bashkimi Evropian (IPA III/2024), që po zbatohet nga Qendra Alert në bashkëpunim me Lëvizjen Europiane në Shqipëri (EMA).
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
