TiranaWinter2018 një aktivitet i zhvilluar nga VisitTirana në prag të fundjavës, na njohu me hapësira dhe vende në kryeqytet, të cilat shpesh syri ynë nuk i vlerëson siç duhet.
Nën drejtimin e Eva Kushovës, gazetare dhe bashkëpronare e VisitTirana, u prezantuan në një klip të shkurtër 1000 fotot pjesëmarrëse ku në mes tyre 10 u cilësuan si fotot më të mira, 7 morën certifikata mirënjohje dhe 3 u vlerësuan me çmime të mëdha.
Ky konkurs fotografie i cili zhvillohet për të katër stinët e vitit, i hapur për të gjithë ata që e duan fotografinë dhe qytetin e Tiranës, vlerësoi me 3 çmime të para këto foto:
1- Çmimi i tretë iu dha Arlinda Dragjoshi, e cila fitoi një darkë çift në një nga restorantet Italiane në Tiranë, +39 Food & Club.
2- Fituesja e çmimit të dytë ishte Fjorda Llukmani. Ajo përfiton një paketë trajtimi spa, ofruar nga Golden Spa Relax. 
3- Fituesi i çmimit të parë u shpall Arend Rada. Ai do të ketë mundësinë e një udhëtimi me balonë, ofruar nga Hot Air Balloon Albania.
VisitTirana është një komunitet i cili nën menaxhimin e Manderina Promotions, promovon vlerat e kryeqytetit duke e bërë atë një burim tërheqës për të gjithë turistët që nuk e njohin mirë vendin tonë. Tirana është një pafundësi destinacionesh, të cilën të gjithë duhet ta eksplorojnë.
VisitTirana është portali kryesor i turizmit të kryeqytetit, duke u ofruar kryesisht turistëve informacione për Tiranën, eventet që zhvillohen dhe gjithë destinacionet që duhen vizituar.
Gjatë aktivitetit u lançua dhe hapja e konkursit të pranverës, #TiranaSpring2018, ku ju mund të bëheni pjesë nga data 1 Mars deri në 31 Maj 2018 duke dërguar një foto të kryeqytetit në stinën më të bukur të tij në faqen e VisitTirana.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
