Agjencia Shqiptare e Zhvillimit të Investimeve (AIDA), në bashkëpunim me MÜSİAD Albania, organizon Forumin më të Madh të Investimeve Shqipëri–Turqi 2025, në Pallatin e Kongreseve, duke nisur nga ora 09:00. Ky event i nivelit të lartë do të sjellë së bashku përfaqësues të lartë qeveritarë, sipërmarrës, investitorë dhe aktorë të zhvillimit ekonomik nga të dy vendet, me qëllim forcimin e bashkëpunimit ekonomik dhe nxitjen e investimeve të ndërsjella.“Ky forum është një platformë e rëndësishme për promovimin e potencialeve të Shqipërisë si destinacion i qëndrueshëm investimi dhe për forcimin e lidhjeve ekonomike mes dy vendeve,”- u shpreh drejtoresha ekzekutive e AIDA-s, Znj.Laura Saro. Në forum do të jenë të pranishëm Kryeministri i Shqipërisë z. Edi Rama dhe Zëvendëspresidenti i Turqisë z. Cevdet Yilmaz, së bashku me ministra, përfaqësues të institucioneve publike dhe organizatave të biznesit nga të dy vendet. Ngjarja pritet të mbledhë mbi 1,500 pjesëmarrës, përfshirë 500+ investitorë nga Turqia dhe rajoni.
Lexo edhe: EU–WB6 Investment Forum: Rajoni bashkon forcat për zhvillim dhe investime të qëndrueshme
Fokusi i Forumit do të jetë në katër sektorë strategjikë me potencial të lartë zhvillimi:
-Ndërtimi
-Teknologjia e Informacionit dhe Komunikimit / BPO
-Turizmi
-Bujqësia & Industria Ushqimore
Gjatë aktivitetit do të zhvillohen panele tematike, diskutime interaktive dhe takime të drejtpërdrejta “B2B” dhe ‘B2G’, që do të krijojnë hapësira konkrete për bashkëpunim dhe shkëmbim përvojash midis bizneseve dhe institucioneve. Ky aktivitet pritet të jetë një nga ngjarjet ekonomike më të rëndësishme të vitit, duke kontribuar në rritjen e bashkëpunimit dypalësh dhe në zhvillimin e marrëdhënieve të reja ekonomike me ndikim rajonal dhe ndërkombëtar.
Vendi: Pallati i Kongreseve, Tiranë
Data: 17 Tetor 2025
Ora: 09:00
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
