TikTok po hap 300 restorante për të ofruar ushqimet më virale në rrjet 

Për  fansat e ushqimit të cilët janë të apasionuar pas videove të gatimit, TikTok po ofron një koncept të ri restoranti bazuar në ushqimet më virale.

Platforma njoftoi të premten se është në partneritet me Virtual Dining Concepts për të nisur një zinxhir shërbimi ushqimor duke filluar nga marsi 2022.

E titulluar “TikTok Kitchens”, sipërmarrja synon të sjellë ushqimet më të famshme të TikTok tek fansat, më tepër sesa të shërbejë si një shtysë drejt biznesit të restoranteve, tha një zëdhënës i TikTok për Insider.

Menuja e restoranteve të TikTok do të përfshijë ushqime të bëra të njohura nga përdoruesit në platformë, duke përfshirë makarona feta të pjekura, hamburgera, brinjë misri dhe patatina. Menuja pritet të përshtatet së bashku me tendencat më tëfundit në aplikacion dhe do të përditësohen në baza tremujore, sipas një njoftimi për shtyp të kompanisë.

TikTok ka mesatarisht mbi 130 milionë përdorues aktivë në muaj në SHBA dhe ka tejkaluar tre miliardë shkarkime në mbarë botën në korrik. #FoodTok — përmbajtje e lidhur me ushqimin në TikTok, duke përfshirë eksperimentimin e recetave, është një nga këndet më të njohura të platformës, me videot e saj që grumbullojnë mbi 11.5 miliardë shikime që nga dhjetori.

Të ardhurat nga shitjet e TikTok Kitchen do të shkojnë për të mbështetur krijuesit që frymëzuan artikujt e menusë dhe krijuesit e tjerë që duan të krijojnë ushqime të reja, sipas një njoftimi për shtyp, por kompanitë nuk specifikuan se si do të shpenzoheshin ato para.

Jenni Häyrinen, një artiste finlandeze, e cila krijoi recetën popullore të makaronave me feta të pjekura në TikTok në fillim të vitit 2021, tha për Insider se është “e emocionuar dhe krenare” që receta e saj origjinale paraqitet në menunë e TikTok Kitchen.

“Receta e makaronave me feta të pjekura u krijua në një kohë kur më duhej të haja një drekë të shpejtë në shtëpi”, tha ajo. “Ka ndihmuar miliona që atëherë dhe tani bëhet edhe më e lehtë.”

Business Insider