Amazon ka bërë të ditur se Tik Tok është i disponueshëm në Amazon Fire TV për përdoruesit në Shtetet e Bashkuara dhe Kanada. Aplikacioni së shpejti do të jetë pjesë e pajisjeve Echo Show.
Pasi të shkarkojnë Tik Tok nga Fire TV Appstore, përdoruesit mund të logohen në profilin e tyre të Tik Tok ose të hapin një profil të ri nëse nuk kanë. Më pas, njësoj si në celular mund të lundrojnë ose të ndjekin përdorues të tjerë dhe çdo opsion tjetër. Në aplikacionin e celularit duhet të kalojmë manualisht në videon tjetër, ndërsa në Fire TV keni opsionin autoplay. Pra, nuk do të keni nevojë të klikoni ndonjë buton në telekomandë ose t’i thoni Alexas të hapë videon tjetër.
Lexo: Ja disa rregulla praktike për marketingun digjital
Këtë verë Tik Tok bëri pvrditësim për të ofruar video më të gjata. Ndërkohë, aktualisht aplikacioni po përshtatet për televizorin, duke shfaqur një konkurrencë të hapur ndaj kanalit më të madh, YouTube. Kujtojmë se YouTube krijoi YouTube Shorts për të konkurruar Tik Tok në fillim të këtij viti.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
