Në kuadër të Planit të Rritjes për Ballkanin Perëndimor, Komisioni Evropian po shpall një Thirrje për Shprehje Interesi nga bizneset e bazuara në BE/EEA/Ballkanin Perëndimor që janë të interesuara të investojnë në këtë rajon. Qëllimi është të nxisë dialogun dhe të identifikojë mundësitë e investimeve në përputhje me prioritetet strategjike të BE-së. Komisioni ka për qëllim të mundësojë investime private transformuese që janë në përputhje me sektorët kyç, duke ofruar mbështetje politike, teknike dhe financiare kur është e mundur.
Fushat prioritare të investimeve:
Kalimi në industrinë e gjelbërt: Investime në energji të pastër, burime të rinovueshme, efikasitetin e energjisë, menaxhimin e mbetjeve dhe praktikat e ekonomisë qarkulluese.
Furnizimi me njësitë industriale/prodhimi: Investime për integrimin në zinxhirët e furnizimit industrial të BE-së dhe modernizimin e sektorëve të prodhimit.
Materialet kritike të papërpunuara: Investime për të siguruar akses të qëndrueshëm dhe të përgjegjshëm ndaj materialeve të papërpunuara kritike për zhvillimin e industrive kyçe.
Transporti i qëndrueshëm: Investime për modernizimin e sistemeve të transportit të qëndrueshëm, qytetet inteligjente dhe infrastrukturën digjitale.
Kalimi digjital: Investime për digjitalizimin e bizneseve, përmirësimin e broadband-it, dhe përmirësimin e infrastrukturave digjitale në arsim, shëndetësi, etj.
Turizmi i qëndrueshëm: Investime që fokusohet në mbrojtjen e mjedisit, ruajtjen e trashëgimisë kulturore dhe zhvillimin social në turizëm.
Zhvillimi i kapitalit njerëzor: Investime që mbështesin zhvillimin e aftësive, ekonominë e kujdesit, strehimin social dhe shëndetësinë.
Financa me ndikim: Investime në fonde private ekuiteti dhe kapital rreziku që kanë ndikim të fortë në aspektet e gjelbra dhe sociale.
Detajet e thirrjes:
Pjesëmarrja nuk nënkupton asnjë marrëdhënie ligjore me Komisionin Evropian dhe nuk garanton mbështetje financiare.
Propozimet do të vlerësohen në mënyrë të ndershme dhe konfidenciale.
Komisioni mund të mundësojë bashkëpunim të mëtejshëm me Institucione Financiare në bazë të vlerësimeve të propozimeve.
Për informacion të mëtejshëm, bizneset mund të dorëzojnë propozimet e tyre te Komisioni Evropian, duke sqaruar se si investimet e tyre mund të kontribuojnë në rritjen e rajonit në përputhje me këto prioritete. Më shumë detaje i gjeni këtu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
