ThinkYoung është një organizatë joqeveritare e themeluar për të përcjellë zërin e të rinjve tek vendimarrësit e Komisionit Europian. ThinkYoung ka lobuar për të rinjtë që prej vitit 2007. Zyrat qendrore i ka në Bruksel dhe këtë vit është zgjeruar me zyra të reja në Gjenevë dhe Hong Kong.
ThinkYoung është qëndra e parë kërkimore që ka në fokus të rinjtë e Europës. Ajo ndihmon në përfshirjen e të rinjve në proçeset vendimmarrëse dhe iu ofron europarlamentarëve studime kërkimore mbi kushtet e të rinjve. ThinkYoung përbëhet nga të rinj nën moshën 30 vjeç, që janë të sapodiplomuar apo vazhdojnë studimet e tyre. Deri më tani, ThinkYoung ka pranë saj të regjistruar 600,000 të rinj.
Kjo organizatë është ndër më aktivet në fushën kërkimore për të rinjtë. Ajo përpilon studime, propozime, pyetësorë dhe organizon konferenca dedikuar të rinjve në 5 fusha të ndryshme: sipërmarrje, edukim, marrdhëniet BE-Azi, zgjerimi i BE-së dhe mjedisi.
Themeluesit e ThinkYoung janë Andrea Gerosa, Azzura Giorgio dhe Stefano Benini, të cilët e filluan këtë projekt me një kompjuter dhe 25 Euro për të regjistruar faqen e Web-it. Tani ThinkYoung ka një skuadër shumë të madhe të përbërë nga të rinj që vijnë nga e gjithë bota.
Në vitin 2011, ThinkYoung themeloi “Shkollën e Sipërmarrjes” që përfshin dhe të rinj që vijnë nga India apo Kina. Kjo qendër kërkimore ka krijuar partneritet me Google, Huawei, Amway, Wilfriend Martens Centre for European Studies etj.
Qëllimi i kësaj shkolle mbi sipërmarrjen është t’i njohë të rinjtë me jetën e një sipërmarrësi dhe t’u japë mundësi sipërmarrësve të komunikojnë me një publik të gjerë. Në bazë të fakteve, kompanitë më të shumta krijohen nga ata individë që kanë kontakte me sipërmarrës të konfirmuar.
Është e vështirë ta ngjitësh një mal, pa parë se si ia ka arritur një njeri tjetër. N.q.s universitetet, gjimnazet apo media nuk e trajtojnë temën e sipërmarrjes, asnjeri nuk do të mendojë të bëhet një sipërmarrës. Ky është dhe objektivi kryesor i themelimit të shkollës së sipërmarrjes nga ThinkYoung , pjesëmarrja e saj më shumë të rinjve në botën e sipërmarrjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
