THINK TECH: Novacionet që ndryshojnë botën - Business Magazine Albania

THINK TECH: Novacionet që ndryshojnë botën

~5 minuta lexim


Risitë dhe novacionet janë motorët që çojnë përpara botën, duke e bërë më të lehtë jetën e njerëzve në planet. Ndryshimet nuk janë gjithnjë të lehta për t’u përqafuar, por shoqëritë dhe kompanitë që i prezantojnë punojnë fort në përfshirjen e tyre në jetën e përditshme.

Përfaqësues të kompanive të njohura në Shqipëri por edhe në botë, sollën pasditen e djeshme në Tiranë, tendencat më të reja të teknologjisë dhe novacionit. Forumi Think Tech, i cili realizohet për herë të parë në Shqipëri kishte si synim motivimin dhe informimin e gjeneratës së re mbi mundësitë që ofron tregu vendas dhe ai ndërkombëtar si dhe reflektime mbi rëndësinë e teknologjisë.

8 panelistë, shqiptarë dhe të huaj, folën mbi rolin e transformimit, teknologjisë dhe komunikimit në industritë e tyre.

Erion Isufi ndau praktikat e Landmark në bashkëpunim me teknologjinë e Moveo, për të krijuar këtë forum. Duke ftuar praktikat e kompanive si T-Mobile -mbi komunikimin, EdCom-mbi komunikimin në edukim, Balfin-mbi menaxhimin e burimeve njerëzore, Philip Morris mbi transformimin falë teknologjisë, qindra pjesëmarrës ndërvepruan me realitetin dixhital në jetën e gjithsecilit.

Siç u vu në dukje edhe gjatë konferencës, në shumë industri, sektori privat investon me një ritëm më të shpejtë sesa ai publik në teknologji. Dhe kjo vjen gjithnjë për dy arsye që lidhen me mundësinë dhe lirinë financiare për të investuar dhe zhvilluar inovacion, ashtu si dhe mungesa e burokracisë për kompanitë private në ndryshim me institucionet shtetërore.

Lexo këtu: Përqafo teknologjinë, Tirana Tech Open mbledh novatorë e pasionantë të teknologjisë

Përfaqësuesja e Philip Morris në konferencën Think Tech, Anis Brahimi, solli shembullin e transformimit në industrinë e duhanit, ku kompani lider si PMI, një dekadë më parë vendosi të ndryshojë linjën e 2 shekujve, duke përqafuar një frymë të re, ofrimin e një të ardhmeje pa tym. PMI përmes shkencës dhe teknologjisë zhvilloi IQOS, një pajisje novatore që mundëson ngrohjen e duhanit, në vend të djegies së tij, në mënyrë për të eliminuar një pjesë të konsiderueshme të dëmit.

“Përpjekjet e PMI janë duke bërë një ndryshim jetësor. Shumë industri së fundmi po prezantojnë alternativa, të cilat përmirësojnë jetë dhe japin mundësi zgjedhje. Në mes te viteve ‘90, kritikët sfiduan kompanitë të krijonin produkte me risk të reduktuar. PMI e pranoi sfidën edhe sepse konsumatorët presin më shumë dhe alternativa më të mira. Së bashku me qindra shkencëtarë, duke investuar miliarda dollarë, zhvilluan alternativa më të mira për duhanpirësit bazuar në shkencë.”

Sipërmarrësit Aldo de Pape dhe Mark Hahnel ndanë praktikën e krijimit të 3 kompanive bazuar në teknologji: TeachPitch- databazën e strukturave mësimore,  Figshare-arkivin akademik dhe Genomes-bazën e të dhënave DNA dhe monetarizimin e tyre, duke frymëzuar idetë për startupe.

Ky ishte evenimenti i parë ThinkTech, i cili synon të krijojë një traditë në takimet mbi inovacionin.

Videoja e plotë e evenimentit mund të shihet këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Ndryshimi nuk është i dhimbshëm. Rezistenca ndaj tij është.”
— Tim Ferriss
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0