Thëniet e Mohamed Ali “zgjuan sipërmarrësin” brenda meje - Business Magazine Albania

Thëniet e Mohamed Ali “zgjuan sipërmarrësin” brenda meje

Thëniet e Mohamed Ali “zgjuan sipërmarrësin” brenda meje
Swati Sinha, Themeluese dhe këshilltare e Savanna HR

Çdo sipërmarrës në një moment të jetës së tij frymëzohet nga thënie të njerëzve qe kanë arritur gjëra të mëdha në jetë. Shembull për këtë është Mohamed Ali. Jam i sigurt që janë me mijëra thënie të tilla që frymëzojnë të gjithë, ndërsa të tjerë dështojnë dhe kërkojnë shtytës përsa i përket shpresës dhe energjisë. Ajo vjen si një forcë dhe të godet në zemër. Çfarë kuptimi po i jepni jetës suaj? A e dini potencialin tuaj? A po i bëni këto ditë mundësish të arta, të mbështetura në potencialin tuaj të pamatshëm, apo thjesht po prisni që jeta t’ju dëmtojë ndërsa ju vyshkeni si një lule në harresë.

“Nëse mendja ime e koncepton atë, dhe zemra ime mund ta besojë, atëherë unë mund ta arrij atë.”

Njoh shumë zemra të guximshme që kanë vendosur jetën e tyre për të arritur një mision që mund të duket i paarritshëm. Të cilët u kanë vënë flakën krahëve për të arritur horizontin ku ëndrrat takojnë mundësinë. Ëndërrimtarët nuk mund të jenë kurrë humbës, derisa të dyshojnë në potencialin e tyre.

“Nuk janë malet përpara për t’u ngjitur ato që ju lodhin, janë guralecët në këpucën tënde”.

Frika nuk është diku jashtë duke komplotuar me universin kundër nesh. Nëse dështimet ekzistojnë ato janë në mendjen dhe zemrën tonë.

“Vetëm një njeri që e di se si është të mundesh, mund të arrijë deri në fund të shpirtit të tij dhe të dalë me një fuqi për të fituar atëherë kur ndeshja është e barabartë.”

Çdo pikë suksesi që arrin në jetë kalon në një terren dështimesh. Unë e di se nga çfarë vjen dështimi dhe me patjetër dua që përgatitja ime të mos shkojë poshtë. Do të vrapoja dhe me frymën time të fundit për të qenë një fitues, edhe nëse shembem në vijën fituese.

“E pamundura është vetëm një fjalë e madhe e hedhur nga burra të vegjël, që e kanë më të lehtë të jetojnë në botën që u është dhënë, sesa të eksplorojnë fuqinë që kanë për ta ndryshuar atë. E pamundura nuk është një fakt. E pamundura nuk është një deklaratë. Është një guxim. E pamundura është potencial. E pamundura është e përkohshme. E pamundura nuk është asgjë.”

Dështimi është i lehtë, rënia është e lehtë, ikja është e lehtë, kthimi i shpinës drejt mundësive është e lehtë, dyshimi është i lehtë. Ajo që nuk është e lehtë është të luftosh deri në frymën e fundit, të ngrihesh përsëri dhe përsëri pas dështimeve të panumërta. Të rezistosh nuk është e lehtë, të besosh tek vetja nuk është e lehtë, të luftosh për atë që je nuk është e lehtë. Duhet shumë grindje dhe hidhërim për të bërë atë që duhet të bëjmë, pavarësisht nga të gjitha sfidat që na hedh jeta.

Lexo:Warren Buffett: Ju mund të rrisni lumturinë tuaj të përgjithshme duke bërë 1 zgjedhje të thjeshtë

“Ai që nuk është aq i guximshëm sa të ndërmarrë rreziqe, nuk do të arrijë asgjë në jetë.”

Mundohuni të mos rrezikoni në jetën tuaj dhe kurrë nuk do të pendoheni më shumë. Imagjinoj ditët e fundit të jetës sime dhe pyetjen e fundit për veten time: “Po Nëse”? Është pyetja më e tmerrshme që mund t’i bëj vetes në ato pak sekonda. Nuk dua të largohem me keqardhje qe kam jetuar jetën time në një mënyrë tjetër.

“Unë e urreja çdo minutë të trajnimit por thashë: Mos e lë. Vuaj tani dhe jeto pjesën tjetër të jetës tënde si kampion.”

Kam dështuar qindra herë dhe sa herë që ngre sytë lart imagjonoj veten si një kampion që duartrokitet nga bota.

“Kam luftuar me aligatorë. Kam përplasur një balenë. Kam bërë rrufe në pranga. Dhe kam hedhur bubullima në burg”.

Çdokush në jetë ka një Everest për të ngjitur dhe kjo varet nëse jemi të gatshëm ta marrim atë sfidë.

“Kampionët nuk bëhen në palestra. Kampionët bëhen nga diçka që ata e kanë thellë brenda tyre, një dëshirë, një ëndërr, një vizion. Kjo kërkon aftësi dhe vullnet. Por, vullneti duhet të jetë më i fortë se aftësia.”

Idetë fitohen me pasion në zemër. Ka shumë të aftë që nuk dinë ta bëjnë këtë. Unë mund të mos jem personi më i suksesshëm mbi këtë tokë, por padyshim që nuk jam ai që fshihet pas dyerve të mbyllura të komoditetit, duke shmangur pengesat, duke pritur suksesin të më trokasë dhe të më shpërblejë.

“Jeto çdo ditë sikur të ishte e fundit, sepse një ditë do të kesh të drejtë”.

Mos i numëro ditët, bëj ditët të llogariten-Mohamed Ali

ENTERPRENEUR

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0