The Race Meeting është një event i cili synon të bëjë bashkë skuadrat e kompanive të ndryshme me qëllim argëtimin, socializimin në një eksperiencë krejt ndryshe si ajo e karting-ut. Në këtë intervistë stafi i Duku na tregon më shumë për aktivitetin e këtij shkurti.
Nga erdhi frymëzimi për të realizuar një event të këtij lloji dhe këtyre përmasave?
Nisur nga zhvillimet e viteve të fundit, mendojmë se mund t’a konsiderojmë veten si një vend që ofron shërbime bashkëkohore dhe të një standardi të përmirësuar, krahasuar me periudhat e kaluara. Duke marrë shkas nga zhvillimi i vazhdueshëm në shumë sfera dhe nga investimet e reja që po sjellin risi dhe cilësi, nisi konceptimi i një eventi pak më jashtë natyrës së eventeve tradicionale B2B. Kësaj rradhe, donim që bizneset të mblidheshin të motivuar për një garë sportive ku mbizotëron një realitet me qasje kreative dhe angazhimi në një aktivitet motivues, që krijon frymën e ekipit, duke ndikuar në rritje të produktivitetit dhe forcimin e raportit punonjës-kompani.
A ka patur interes nga kompanitë? Si e kanë pritur idenë?
Në prezantimet e kryera deri tani, kompanitë e kanë pëlqyer formatin e propozuar. Duket me të vërtetë diçka interesante dhe e veçantë. Deri më tani, ka disa konfirmime për pjesëmarrje si edhe shumë interes për informacion më të detajuar rreth eventit. Fillimi i mbarë, gjysma e punës… Jemi shumë optimistë!
Si do të ndikonte një eksperiencë e tillë në stafin e kompanive?
Besojmë se stafi i angazhuar në këtë kompeticion të veçantë do përjetojë një aktivitet shumë-funksional ku përfshihen eksperienca individuale, puna në skuadër dhe një risi me potencialin për t’u rritur në përmasa edhe më të gjera se sa territori i vendit tonë.
Cilat janë pritshmëritë tuaja? Çfarë dëshironi të arrijë ky event?
Ne mendojmë që arritja më e madhe e eventit është transmetimi i një panorame ku bizneset garojnë në mënyrë të shëndetshme me njëri-tjetrit duke përqafuar dhe testuar tendenca të reja interaktiviteti dhe konkurrence.
A planifikoni t’a ktheni në një traditë të përvitshme?
Synimi është që eventi të kthehet në një traditë të përvitshme dhe të zgjerohet eventualisht në territore të reja, duke ftuar edhe kompani të tjera nga fqinjët e rajonit që do t’a shndërronin eventin në një pikëtakim B2B shumë-kulturor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
