Një projekt ambicioz hekurudhor me shpejtësi të lartë ka hapur diskutime të gjera në Mbretëria e Bashkuar dhe Irlanda. I quajtur The Loop, plani parashikon ndërtimin e një linje rreth 740 milje të gjatë që do të lidhë nëntë qytete kryesore me trena që arrijnë deri në 300 milje në orë.
Sipas propozimit, rrjeti do të përfshijë Dublin, Belfast, Glasgow, Edinburgh, Newcastle, Leeds, Manchester, Liverpool dhe qytetin uellsian Bangor. Nëse realizohet, distanca mes këtyre qendrave urbane do të përshkohet në më pak se 90 minuta, duke krijuar një korridor të ri ekonomik në veri të Britanisë.
Lexo gjithashtu: Sa e madhe është diaspora shqiptare sot në botë? Dhoma e Biznesit të Diasporës jep shifrat
Ideja është prezantuar nga Chris Williamson, president i Royal Institute of British Architects, i cili argumenton se vendit i nevojitet një vizion i ri për mega-projekte infrastrukturore, në frymën e epokës industriale. Sipas tij, investime të tilla do ta ndihmonin Britaninë të konkurronte me zhvillimet e shpejta në Azi dhe Lindjen e Mesme.
Me një kosto të parashikuar prej 130 miliardë paundësh, projekti do të kalojë dy herë Deti Irlandez, duke lidhur Bangor me Dublinin dhe Belfastin me Glasgoun. Trenat do të lëvizin mbi një viadukt të ngritur, që sipas projektuesve do të minimizojë ndikimin në terren dhe do të lehtësojë zbatimin teknik.
Nëse ndërtohet, The Loop do të ishte linja e tretë hekurudhore me shpejtësi të lartë në vend, pas lidhjes së Londrës me Tunelin e Kanalit dhe projektit HS2, i cili ka hasur vonesa dhe polemika për shkak të kostove dhe reduktimeve në shtrirje.
Ndërsa mbështetësit e shohin si një hap drejt krijimit të një super-qendre ekonomike veriore, kritikët vënë në dyshim realizueshmërinë financiare dhe vullnetin politik për të çuar përpara një projekt të kësaj përmase.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
