Tesla: Një tjetër pronar fajëson sistemin Autopilot pas përplasjes!


Tesla, marka e cila po bën çdo ditë edhe më shumë bujë, përballet sërish me probleme.
Kjo nuk është as hera e parë dhe as e fundit që një Tesla përfshihet në një aksident. Një detaj jo shumë surprizues në të tilla raste, është që sistemi Autopilot, u bllokua disa momente përpara aksidentit. As rasti konkret, nuk del jashtë kësaj kornize, duke patur parasysh se shoferi pretendon se makina e tij humbi kontrollin teksa Autopiloti ishte i aktivizuar.

Gjatë fundjavës, në Kandiyohi County, Minnesota, një Model S u rrotullua duke përfunduar në një pellg. Shoferi dhe 4 persona të tjerë gjendeshin në kabinë në momentin e aksidentit, raportoi një media lokale. Për fat të mirë, të gjithë shpëtuan shëndosh e mirë me vetëm lëndime të vogla. Dhe siç së fundmi ka filluar të ndodhë, shoferi ka fajësuar sistemin Autopilot si shkaktarin e aksidentit. Ky aksident ndodhi në një seksion në formë T, ku makina duhet të kthehej djathtas ose majtas. Por ajo doli nga rruga dhe përfundoi në një pellg.

“Ne jemi të lumtur që shoferi dhe pasagjerët janë mirë tashmë. Jemi duke punuar për të mbledhur të gjitha faktet e aksidentit dhe kemi ofruar bashkëpunim të plotë me autoritetet lokale. Ne ende nuk e kemi zbuluar nëse sistemi Autopilot ka qënë duke punuar apo jo, dhe nuk kemi aryse të besojmë se ky sistem, redukton aksidentet me 40% ashtu siç është thënë edhe nga NHTSA, të ketë punuar ndryshe nga si është dizenjuar. Çdo herë që një shofer aktivizon sistemin, ai është i paralajmëruar që të ketë kontroll mbi makinën dhe të veprojë menjëherë në çdo moment.”

Duket se Tesla nuk ka mundur të marrë të dhëna nga ky aksident. Është e panjohur nëse kjo ka ndodhur si pasojë e aksidentit apo faktorë të jashtëm të cilat nuk kanë bërë të mundur marrjen e informacionit. Një përfaqsues i kompanisë është i sigurtë se nuk duhet fajsuar sistemi Autopilot.

Tesla ka prezantuar vetëm nivelin e 2 të autonomisë, që do të thotë se shoferi ende duhet të jetë vigjilent. Ai duhet të vendosi duart mbi timon për ta ndihmuar sistemin të reagojë në çdo moment. Duket se shoferi beson se ai nuk ishte i aftë të bënte asgjë pas gabimit të sistemit.
Pak të dhëna janë gjetur deri më tani, por gjithçka do të zbardhet pasi Tesla të analizojë të gjitha të dhënat e saj.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale