Tesla në hapësirë?! Diçka qesharake, por e mrekullueshme në të njëjtën kohë - Business Magazine Albania

Tesla në hapësirë?! Diçka qesharake, por e mrekullueshme në të njëjtën kohë


 

Ditën e martë diçka vërtet e çuditshme do të ndodhë në hapësirë.

SpaceX nga Elon Musk do të bëjë nisjen e raketës së saj të parë, Falcon Heavy. Çfarë po nis bashkë me të në hapësirë? Ndoshta një satelit? Ndoshta ndonjë eksperiment studentor? Jo!

SpaceX po dërgon një Tesla Roadster të kuqe, e cila do të luajë këngën ‘’Space Oddity’’ nga David Bowie, në një orbitë të largët rreth planetit Mars.

Është diçka pa kuptim, diçka idiote, por… edhe diçka e mrekullueshme!

Duke supozuar qe nuk do të shpërthejë gjatë rrugës, kjo makinë do të ‘’lundrojë’’ në sistemin tonë diellor për miliona vite.

Thjesht imagjinoni: Një civilizim alien, shumë më i avancuar nga ai i joni, viziton pjesën tonë të vogël të hapësirës dhe çfarë gjen aty? Një Tesla Roadster e nisur drejt Marsit, nga ideja e një miliarderi eksentrik me një ëndërr të madhe. Në të vërtetë, me shumë ëndrra.

Është vërtetë qesharake por eksplorimi në hapësirë mund të përdorë pak më tepër fantazi.

Historikisht fluturimet hapësinore kanë qënë një çështje shumë e rezervuar. Vetëm kompanitë më të pasura dhe shtetet më të fuqishme kanë qënë në gjendje të dërgojne satelitë në hapësirë sepse kostot për një veprimtari të tillë janë kuptueshëm shumë të larta.

Është e qartë pra se shumica e këtyre, nuk do të dërgonin diçka kaq sipërfaqësore në orbitë. Edhe veprat e artit kuptohen se kanë një lloj kuptimi më të thellë.

Merrni rastin e anijes së Voyager, Golden Record e nisur në vitin 1970. Bashkë me të, u nis një vepër arti e cila të lejonte cdo formë inteligjence jashtëtokësore që do ta ndeshte, të mësonte më tepër mbi rracën njerëzore. Është dicka e bukur,e thellë dhe padyshim prezantimi më i bukur i vetvetes që kemi dërguar atje lart.

Në krahasim, Tesla Roadster është një vegël e pakuptimtë e një korporate, por është e mahnitshme që kemi arritur në një pikë ku hapësira është bërë dicka më emocionuese dhe do të guxoja të thoja, edhe më e gëzueshme.

Njerëzit mund të jenë edhe inteligjentë e të thellë si në veprën e përcjellë në hapësirë nga Golden Record, por mund të jenë edhe qesharakë dhe pak budallenj si në rastin e nisjes së makinës Tesla me anë të Falcon Heavy. A nuk është e kuptueshme që ti kemi të dyja anët e personalitetit tonë , të prezantuara atje lart midis yjeve?

Në hapësirë ka shumë vend. Projekti i artit të Voyager si dhe Tesla e Elon Musk, kanë të dyja vendin e tyre atje në boshllëkun e pafundëm dhe ne nuk mund të ishim më të gëzuar se kaq për këtë fakt.

burimi: mashable.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0