Tesla do të fillojë prodhimin e Cybercab, automjetit të saj të parë elektrik plotësisht autonom, në prill të vitit 2026 në fabrikën e kompanisë në Austin, Teksas, njoftoi CEO Elon Musk gjatë takimit vjetor me aksionerët.
Cybercab do të jetë pa timon, pedale dhe pasqyra anësore, një koncept i projektuar posaçërisht për drejtim tërësisht të pambikëqyrur.
“Është makina e parë në botë e ndërtuar që nga fillimi për drejtim të plotë autonom. E optimizuar për koston më të ulët për milje”, tha Musk. Megjithatë, sfidat rregullatore mbeten të mëdha. Vendosja e një automjeti në rrugë pa kontrolle tradicionale kërkon miratim federal, i cili deri më tani ka qenë proces i gjatë dhe kompleks.
Lexo edhe: Mbledhja e qeverive Rama – Meloni, firmosen 16 marrëveshjet dhe memorandumet
Kompani si Zoox (e mbështetur nga Amazon) dhe General Motors me projektin Cruise Origin janë përballur me pengesa të ngjashme. Tesla e prezantoi për herë të parë Cybercab në tetor 2024 dhe që atëherë ka nisur një shërbim robotaxi eksperimental në Austin, duke përdorur SUV-të Model Y të pajisura me versionin më të fundit të softuerit Full Self-Driving. Musk mbetet optimist për miratimin e shpejtë të Cybercab nga rregullatorët, duke falënderuar Waymo për “hapjen e rrugës” në fushën e robotaksive.
“Sapo kjo të bëhet normale në qytete, rregullatorët do të kenë gjithnjë e më pak arsye për të thënë jo” tha ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
