Telefonat Celularë dhe Shëndeti. Përdorimi afatgjatë i telefonave celularë mund të rrisë rrezikun e kancerit të trurit
Përditësuar së fundmi: 21/03/2017

Telefonat Celularë dhe Shëndeti: A është rrezatimi i telefonave celularë një rrezik?

Share
nga Anerola Torollari
Mar 21, 2017
Studied at Faculty of Science, Content Editor Biznesi at Business Magazine
lexo me teper >

Telefonat Celularë dhe Shëndeti. Përdorimi afatgjatë i telefonave celularë mund të rrisë rrezikun e kancerit të trurit! Pasi e ka mbajtur të fshehur për vite me radhë, Departamenti i Shëndetit Publik në Kaliforni ka publikuar një draft që përshkruan shqetësimet e zyrtarëve të shëndetësisë rreth ekspozimit të rrezatimit të telefonave celularë. A është rrezatimi i telefonave celularë një rrezik? Drafti gjithashtu thekson se “EMF depërton më thellë në trurin e fëmijëve se te të rriturit” kështu që u sugjeron prindërve t’iu kufizojnë përdorimin e telefonave celularë fëmijëve të tyre.

Dokumenti i papublikuar më parë u shfaq këtë javë pasi një gjykatës urdhëroi se duhej të shpalosej në çështjen e Moskowitz v. CDPH.

Joel Moskowitz, i cili është drejtor i “Qendrës për Shëndetin e Familjeve dhe Komunitetit” në Shkollën e Shëndetit Publik “UC Berkeley-it”, paditi shtetin në vitin 2016 në bazë të Aktit të Regjistrimeve Publike në Kaliforni për të marrë dokumentin e lëshuar.

Dokumenti daton që nga Prilli i 2014, por Moskowitz tha se dokumenti ishte përgatitur fillimisht shtatë vjet më parë duke u përditësuar disa herë, por kurrë nuk u publikua.

“Do të doja që ky dokument të shihte dritën e diellit, sepse do të informojë publikun se rrezatimi i telefonave celularë është një rrezik dhe kjo do iu sigurojë atyre disa informacione sesi t’i zvogëlojnë këto rreziqe,” tha Moskowitz.

Dokumenti me dy faqe, të cilat Departamenti i Shëndetit Publik së pari i çoi me email në “San Francisco Chronicle” pasditen e së enjtes, duket se ka të stampuara nëpër faqe me shkronja të mëdha të theksuara “Draft dhe jo për publikim”.

Informacionet në dokument, titulluar thjesht, “Telefonat Celularë dhe Shëndeti”, janë një përmbledhje e studimeve shkencore që sugjerojnë se përdorimi afatgjatë i telefonave celularë mund të rrisë rrezikun e kancerit të trurit, në mesin e probleme të tjera shëndetësore.

Në draft thuhej se fushat elektromagnetike të radiofrekuencave (EMFs), një lloj rrezatimi, emetohen nga telefonat celularë dhe në qoftë se i mbani afër trupit apo kokës dhe i përdorni shpesh, ajo mund të shkaktojë dëmtime të qelizave dhe indeve.”

Rekomandimi i përgjithshëm i zyrtarëve të shëndetësisë është të “rrisë distancën mes jush dhe telefonit tuaj” duke përdorur kufjet, funksionin e “speaker phone” dhe mesazheve. Zyrtarët e shëndetësisë nuk rekomandojnë fjetjen pranë telefonin tuaj dhe mbajtjen e tij në xhepin apo direkt në trupin tuaj, nëse nuk është i fikur.

Drafti gjithashtu thekson se “EMF depërton më thellë në trurin e fëmijëve se te të rriturit” kështu që u sugjeron prindërve t’iu kufizojnë përdorimin e telefonave celularë fëmijëve të tyre.

Por ka disa në Silicon Valley që thonë se shkenca nuk i mbështet këto fakte. David Witkowski drejton “Nismën për Komunikim Wireless” të Sipërmarrjeve në Silicon Valley dhe thotë se “ky draft është shumë i dobët në detaje, në referenca dhe studimet ekzistuese…”

burimi: sanfrancisco.cbslocal.com

Evente

Hardh Fest 2017

Shtator 7, 2017
9:00 AM - Shtator 10 9:00 PM

Doing Business 2017

Shtator 28, 2017
në orën 09:00 - 29 Shtator Sep 29 në orën 20:00