TEC i Vlorës ende pa një investitor - Business Magazine Albania

TEC i Vlorës ende pa një investitor


Termocentrali i Vlorës, vazhdon të jetë një odise për qeverinë shqiptare dhe buxhetin e shtetit.

Ministria e Energjisë dhe Infrastrukturës ka pezulluar tenderin për dhënien me koncension të tij. Ndërsa prej vitesh tashmë, shpresa e vetme e qeverisë është vënia në punë e këtij termocentrali me gaz. Nafta, sipas studimeve nuk është ekonomike, ndërsa termocentrali nuk u vu në punë asnjëherë edhe për shkak të një defekti që në ndërtim, në impiantin e tij ftohës.

Ministria e Energjisë ka bërë të ditur se ka pasur kërkesa e madje edhe vizita të investitorëve potencialë në TEC-in e Vlorës. Por, sipërmarrësit duket se kanë pikëpyetjet e tyre në këtë drejtim.

Sipas Ministrisë së Energjisë, që nga mesi i Janarit, përfaqësues të 27 kompanive kanë zhvilluar vizita në terren dhe 23 prej tyre u njohën edhe me bazën e të dhënave të investimit të kryer.

Por, burimet zyrtare të ministrisë sqarojnë se, pas vizitës në terren, ka pasur gati 50 kërkesa për sqarime të mëtejshme mbi formën e Kontratës Koncesionare për termocentralin dhe ndërtimin dhe për tubacionin e gazit, i cili sipas tyre, ndikon në hartimin e planeve të biznesit të investitorëve. Ndaj, radha u takon sqarimeve të mëtejshme nga zyrtarët në fushën e e energjisë për investitorët e interesuar.

Prej gati 10 vitesh, TEC i Vlorës, nuk është vënë në funksion. Ndërkohë, nga buxheti i shtetit paguhen çdo vit (që nga ndërtimi), 6 milionë euro, kredi dhe shpenzime për mirëmbajtjen. Kjo shumë ka shkuar kështu sa rreth gjysma e investimit të realizuar (110 milionë euro).

Ndërsa kompanitë do të sqarohen për kushte të mëtejshme të kontratave, dy kushtet e njohura tashmë publikisht janë: nevoja për investim 56 milionë euro (lidhje e TEC-it me gazsjellësin në Fier) dhe rregullim i turbinës së ftohjes.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
1
Karta ime

Nëntotal: 500.00L

Shko te kartaVazhdo me pagesën

1