Të rinj të apasionuar pas teknologjisë krijojnë “Institucionin Virtual”


A keni qenë ndonjëherë brenda në Bashkinë e Tiranës? Nëse jo, sot keni mundësi të jeni virtualisht, jo për të parë ambjentet, por për tu informuar lidhur me shërbime të ndryshme. 

“Institucioni më cool online”, kështu e quajnë krijuesit e tij aplikacionin Institucioni Virtual. Zhvilluar e dizenjuar nga EESTEC LC Tirana,  kjo mund të jetë “loja” më e vlefshme në smartphone-in tuaj.

Nisur nga një eksperiencë e keqe personale, Institucioni Virtual lindi si nevojë e zgjidhjes së një problemi madhor i cili është vështirësia që qytetarët hasin në jetën e përditshme për të marrë informacion për një procedurë apo një shërbim të caktuar që duan të ndjekin në institucionet shtetërore.

Ndërkohë që shumë të rinj janë duke u larguar nga Shqipëria, të tjerë kanë zgjedhur të qëndrojnë e të sfidojnë veten në kushtet që na ofrohen vendi ynë. Ariol Sollaku, Ëngjëll Raklli, Dario Grori, Klaudio Pulaha, Endri Nasufi dhe Benson Begaj, janë grupi që krijuan “Institucionin Virtual”, e disa të rinj të talentuar që ja kushtojnë kohën realizimit të projekteve inovative për t’i ardhur në ndihmë komunitetit.

Lexoni: Ëngjëll Rraklli: “Amakids, loja virtuale me impakt social”

“Ne jemi të lumtur që kemi krijuar një aplikacion inovativ, unik dhe në një format të parealizuar më parë jo vetëm në Shqipëri, por edhe jashtë saj,” thotë Benson Begaj, Kryetar i EESTEC LC Tirana dhe menaxheri i Institucionit Virtual.

Ky aplikacion synon t’i lehtësojë punë qytetarëve në Bashkinë e Tiranës për marrjen e informacionit për shërbime të caktuara që ata duan të ndjekin.

Institucioni Virtual është FALAS dhe i aksesueshëm në të tre platformat: App Store, Play Store dhe në web www.institucionivirtual.com.

Menjëherë e shkarkuam në telefonin tonë për të parë si funksionon. Loja ka një pamje të thjeshtë dhe ai që ju mirëpret në hyrje të saj është kryetari i bashkisë.

Duke klikuar opsionin Lojë e re, ju menjëherë dërgoheni në hartën e institucioneve. Secili prej tyre mbart kategori të ndryshme shërbimesh, të cilat janë:

  • Hapësira publike, qendra rinore, bibliotekat e njësive administrative
  • Shërbime sociale
  • Strehimi

Fillimisht ju duhet të luani me karakterin e përzgjedhur për të mbledhur dokumentet e shpërndara në dyshemenë e godinës.

Në fund shpërbleheni me informacionin e duhur për kategorinë e përzgjedhur. Informacioni i mbledhur nuk humbet, por ruhet në dosjen tuaj të programuar brenda lojës. Ju gjithashtu mund të klikoni opsionin Shkarko, për të patur materialin më të prekshëm.

Deri më tani aplikacioni ka patur 300 shkarkime dhe do të pasurohet më tej me të dhëna të nevojshme në versionet e mëvonshme.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale