Të gjithë e nisin nga zero : 5 mënyra për t’ja filluar - Business Magazine Albania

Të gjithë e nisin nga zero : 5 mënyra për t’ja filluar


Çdokush e nis nga fundi. Të gjithë. Ekziston një klishe që thotë : “Kur ke prekur fundin tënd, e vetmja rrugë është që të ngjiteni lart“. Nëse dëshironi të ndryshoni gjendjen tuaj financiare , të keni një stil jetese më të shëndetshëm ose të përmisoni marrëdhëniet tuaja, çdo gjë është e mundur, edhe kur keni goditur fundin e shkëmbit.

Ekziston një ide e gabuar se njerëzit e suksesshëm kanë lindur të privilegjuar dhe me talent të veçantë që i vendos ata në një piedestal më të lartë se pjesa tjetër e jona. E vërteta është se të gjithë e nisin nga zero. Askush nuk ka lindur i suksesshëm. Edhe ata që lindin të pasur mund të zgjedhin rrugë destruktive ose konstruktive. Siç Mario Puzo, “Kumbari” thotë : “Njerëzit e mëdhenj nuk lindin të tillë,por ata bëhen”.

Pra, si mund të bëhemi të mëdhenj ?
Megjithëse mund të jetë e frikshme t’ja nisësh nga zero, këtu keni 5 mënyra për të nisur jetën tuaj pasi keni prekur fundin :

1.Identifikoni saktësisht se çfarë dëshironi.
Ndonëse rifillimi nga poshtë është i frikshëm, mundohuni të largoni fokusin prej asaj që nuk keni dhe drejtojeni vëmendjen tek ajo që doni të tërhiqni. Fokusimi tek ajo që të mungon , krijon më tepër mungesa. Bëni të kundërtën, fokusohuni saktësisht tek ajo që doni në jetë. Ju mund të nisni jetën tuaj duke u fokusuar drejt një qëllimi të ri, por ju duhet të ngushtoni vëmendjen tuaj në një ose dy qëllime kyçe që janë kaq imponuese sa do t’ju shtyjnë t’i realizoni ato.

2.Ndryshoni mentalitetin tuaj rreth suksesit.
Shumë njerëz e barazojnë suksesin me të bërit para. Por paraja është një nënprodukt, jo përkufizim i suksesit. Autori dhe trajneri i suksesit Earl Nightingale na këshillon :

Suksesi nuk është rezultat i të bërit para, të bërit para është rezultat i suksesit. Suksesi është në përpjestim të drejtë me shërbimin tonë. Por, ajo që ndodh është se shumica e njerëzve e kuptojnë dhe zbatojnë këtë ligj mbrapsht. Ata besojnë se ju jeni të suksesshëm nëse fitoni shumë para. E vërteta është se ju mund të fitoni para vetëm pasi të jeni të suksesshëm.
Me fjalë të tjera, në vend që të fokusoheni tek ato që ju mungojnë, përqendrohuni tek ato që keni dhe tek çfarë mund t’i ofroni të tjerëve.

3.Rivendosni të dhënat tuaja (Rishikoni situatën në të cilën ndodheni)
Nëse jeta juaj është e mbushur me ndikime negative, të cilat ju tregojnë se nuk mund të inkurajoni zërat brenda jush që ju nxisin të rriteni, atëherë është momenti të shikoni ambientin në të cilin shpenzoni kohën tuaj dhe burimin e së keqes. Një nga sfidat e mëdha të atyre që rinisin të ngrihen pasi kanë prekur fundin është paaftësia e tyre për të larguar influencuesit e dëmshëm nga jeta e tyre.

Informacioni dhe ndikimet që marrim gjatë ditës drejton karakterin dhe atë që do të lëmë më pas në jetë. Nëse dëshironi të përmisoni rrethanat tuaja, kontrolloni se me çfarë e ushqeni mëndjen tuaj gjatë ditës.

-E rrethoni veten me njerëz që ju inkurajojnë të rriteni ?

-E shpenzoni kohën duke lexuar libra të mirë dhe programe inkurajuese ? Nëse jo përgatituni të nisni rrugëtimin tuaj nga e para.

Lexoni : Si të nisësh një biznes absolutisht pa para?

4. Fundi është vendi më i mirë nga mund t’ja nisni
Kur ja nis nga fundi, gjithçka është e mundur. “Fundi i shkëmbit u bë themeli mbi të cilin unë rindërtova jetën time”, pranoi J.K Rowling , e cila vazhdoi të ndërtonte perandorinë e pakrahasueshme të “Harry Poter”.
Kuptojeni se t’ja nisësh nga fundi është një bekim i fshehur. Ju mund të zgjidhni se si doni që të jetë jeta juaj, dhe ta ktheni atë në drejtim të pasioneve tuaja.

5.Hiq sytë nga vetja
Para se të prekim fundin e shkëmbit, ne zakonisht po na përmbyt keqardhja për veten. E bukura e të prekurit fundin është se aty kupton se sa e kot është të na vijë keq për rrethanat ku jemi, shpesh duke justifikuar veten dhe fajësuar të tjerët. Ju mundet që për herë të parë në jetë të mbani mbi shpatulla përgjegjësitë për rrethanën se ku ndodheni, dhe të kuptoni se në jetë ka njerëz të cilët gjenden në rrethana edhe më të këqija se të tuat.

Një mënyrë për të ndryshuar jetën tuaj dhe për tu ngjitur nga fundi drejt majës, është që ti hiqni sytë prej vetes tuaj dhe të kuptoni potencialin që keni për të ndihmuar të tjerët. Të prekurit fundin ju ndihmon të keni dhembshuri për të tjerët, sepse jeni në gjëndje të kuptoni situatën e tyre, duke qenë se keni kaluar nga aty edhe vetë. Kur i jepni dorën dikujt në nevojë ju kuptoni se sa me fat ju jeni dhe se si të prekurit fundin është një fillim i mrekullueshëm për një jetë jashtëzakonisht të kënaqshme.

Pra, çfarë keni për të humbur ? Shtypja e butonit i cili rinis jetën tuaj pasi keni prekur fundin, ju jep mundësinë të filloni e të bëni zgjedhje të reja për jetën. Nëse si unë, edhe ju keni prekur fundin dhe jeni ngritur sërish, do të dëshiroja pa masë të dëgjoja historinë tuaj !

Burimi : Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0