Të dhënat janë fuqia e biznesit, përmes tyre arrini sukses

Të dhënat janë fuqia e biznesit, përmes tyre arrini sukses


Të dhënat janë fuqia e biznesit, pa to askush nuk është i zgjuar mjaftueshëm. Ato flasin me zë më të lartë se çdo gjë tjetër. Ky ishte fokusi i eventit Smart Data, Smart Decision, i cili u organizua nga Garazh, në ambientet e Coolab.

Rëndësia e mbledhjes dhe organizimit të të dhënave për të arritur suksesin në biznes apo në çdo fushë tjetër ku veprimet aplikohen në bazë të të dhënave, ishte në qendër të diskutimit. I ftuar në event ishte Corey Young, presidenti i kompanisë Mozenda, e cila është një kompani software në Shtetet e Bashkuara.

Gjatë fjalës së tij, Corey prezantoi kompaninë, e cila ishte themeluar në vitin 2007 dhe sipas tij po sillte revolucion në mënyrën sesi bizneset i grumbullojnë dhe i përdorin të dhënat nga interneti. Së fundi, Mozenda ka filluar aktivitetin e saj edhe në Shqipëri. I pranishëm në event ishte edhe menaxheri i kompanisë për Shqipërinë, Mirgen Hoxha, i cila tha se dega e Mozenda-s në Shqipëri synon të bëhet qendër për klientët në Europën Perëndimore.

“Ne nuk jemi të përqendruar vetëm tek aktiviteti me bizneset shqiptare, me disa prej të cilave jemi në bisedime, për të finalizuar punën brenda muajit qershor. Zyrat tona do të shërbejnë si një pikë qendrore për bizneset europiane që duan të punojnë me ne”, u shpreh ai.

“Mozenda i analizon të dhënat në mënyrë të thjeshtë, mjafton të shkosh në website, të shkruash të dhënat dhe duke klikuar opsionet e nevojshme, klienti arrin të organizojë të dhënat. Kjo është ajo që bën kompania jonë”, tha Corey.

Kryefjala e eventit ishte se nëse do të punosh në mënyrë të zgjuar, duhet t’i organizosh të dhënat në mënyrë të tillë. Dy folësit kryesorë, Mirgen Hoxha dhe Corey Young e ilustruan mënyrën sesi Mozenda i organizon të dhënat në mënyrë të zgjuar, me shembuj konkretë.

Nëse keni një zinxhir restorantesh dhe aktiviteti juaj është në rënie, atëherë duhet të mësosh saktësisht arsyen pse po ndodh kjo. Duhet të mblidhni të dhënat për klientët tuaj, frekuentimin e restoranteve në orare të ndryshme të ditës, komentet dhe pakënaqësitë që kanë ata ndaj shërbimit tuaj dhe t’i analizoni të gjitha këto. Pikërisht këtë bën Mozenda. Analizon këto të dhëna, për të ofruar një përgjigje apo zgjidhje konkrete për situatën. Vetëm duke njohur veten përmes të dhënave, bizneset mund të rriten dhe të korrin sukses.

I pyetur nga Business Mag për arsyen pse zgjodhi Shqipërinë si vendin ku do të operonte Mozenda, presidenti i saj Corey u përgjigj: “Ne kishim kohë që dëshironim të zgjeronim aktivitetin tonë në vende të tjera të Europës. Zgjodhëm Shqipërinë sepse është vend i bukur, ka njerëz shumë puntorë, të cilët janë të aftë, të talentuar dhe komunikojnë mirë anglisht. Destinacioni është lehtësisht i aksesueshëm në rrugë ajrore dhe është një treg që ka perspektivë”.

Të dhënat janë fuqia e biznesit, pa to askush nuk është i zgjuar mjaftueshëm. Ato flasin me zë më të lartë se çdo gjë tjetër.

Çdo klient mund t’a përdorë Mozenda-n. Ajo mund t’i analizojë të dhënat në çdo gjuhë. Megjithatë, Mozenda përballet me sfida. Për të sfida kryesore është fakti se website-t po përmirësohen gjithnjë e më shumë dhe duhet të ndjekësh ritmin për të përmbushur kërkesat e klientëve.

Pavarësisht sfidave dhe prolemeve, “Ne duhet të luftojmë derisa të gjejmë një zgjidhje, kur gjërat vështirësohen nuk duhet të heqësh dorë, por duhet të përpiqesh deri në fund”, tha Corey.

Të pranishmit në event diskutuan rreth të dhënave, mënyrës sesi website-t kanë evoluar dhe sesi Mozenda po ndihmon në përmirësimin e klimës së bizneseve.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0