Fjala doktor ndoshta iu krijon atë imazhin tipik: një përparse e bardhë, stetoskop dhe ndoshta një kartelë me të dhënat e pacientit. Teknologjia po përpiqet që t’i ndryshoj këto imazhe. Në ditët e sotme mjekët i sheh duke përdorur tablet që ruajnë të dhënat e pacientit në mënyrë elektronike, duke reduktuar kështu koston e letrës dhe gabimet e mundshme të shkrimit me dorë. Por së fundmi një ndryshim ka pësuar dhe stetoskopi i motçëm.
Stetoskopi është një mjet 200 vjeçar, ka ardhur koha që dhe ai të ndryshojë në shekullin e 21.
Kompania Eko Devices ka krijuar një stetoskop dixhital të quajtur Eko Core, i cili zbulon ritmin e zemrës, përdor Bluetooth për të trasmetuar tingujt në një aplikacion në smartphone dhe më pas ruan të dhënat e pacientit në mënyrë elektronike.Të dhënat ruhen dhe mjeku mund t’i rishikojë më vonë rezultatet apo të presë deri në vizitën tuaj të ardhshme për të krahasuar gjendjen.
Eko Core mund të jetë gjithashtu një mjet i dobishëm për studentët e mjeksisë të cilët duan të mësojnë më shumë për tingujt e brendshëm të trupit të njeriut. “Ky është ndoshta një nga risitë më të rëndësishme që i është bërë stetoskopit të vjetër këto vitet e fundit,” tha për New York Times Dr. Charanjit Rihal, kryetar i ndarjes së sëmundjeve kardiovaskulare në Klinikën Mayo.
Ky investim është më pak i kushtueshëm se EKG-të që përdoren momentalisht dhe potencialisht më i mirë për të kapur në kohë sëmundjet e zemrës.
Eko Core është në shitje për 199 dollarë ose 299 dollarë me një stetoskop të përfshirë në çmim.
https://youtu.be/qnM_dZVTQPg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
