Në një ditë dedikuar mbështetjes dhe diskutimit të propozimeve të biznesit si dhe strategjive të zhvillimit të startup-eve, studentët e programit të inkubimit të Tirana Inc. vizituan One Albania.
Gjatë vizitës ekipet e inkubatorit multi-universitar, kanë ndanë idetë e tyre me profesionistë si dhe kanë diskutuar rreth sfidave që hasin gjatë ndërrmarrjeve në fazat e tyre fillestare. Programi përfshin një gamë të gjerë industrish, duke nisur nga teknologjia, transporti, shëndeti, dhe aspekte të tjera, që lehtësojnë përditshmërinë e qytetarëve. Studentët patën mundësi të takonin dhe shkëmbenin përvojat e tyre me Drejtorin e Përgjithshëm të One Albania, Brano Djurovic, i cili i përgëzoi për krijimtarinë, si dhe i inkurajoi për të sjellë në jetë idetë inovatore.
Vizita u plotësua me shumë këshilla konkrete rreth biznesit dhe ndërrmarrjes nga Drejtori i Grupit Komercial për Biznesin, Indit Daci, i cili ndau ekspertizën e tij duke dhënë komente dhe sugjerime të vyera për çdo propozim të studentëve.
Si një kompani e angazhuar thellësisht për të mbështetur personat e talentuar dhe për të nxitur inovacionin, One Albania vijon të mbështesë të rinjtë sipërmarrës dhe idetë e tyre të biznesit start-up, si dhe zhvillimin e ekosistemit të inovacionit në Shqipëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
